Eki jolaýshylar ushaǵy áýede soqtyǵysýǵa shaq qaldy, dep habarlaidy ult.kz, bild-ke silteme qaldyra otyryp.
Oqiǵa 10 shildede bolǵanymen, bul týraly aqparat endi ǵana belgili boldy.
Málimetke sáikes, Iberia áýe kompaniiasyna tiesili Airbus A321 ushaǵy Braziliianyń Resifi qalasynan Madridke baǵyt alǵan. Al Air Europa kompaniiasynyń Boeing 787 ushaǵy Madridten San-Paýlý qalasyna ushyp bara jatqan. Eki áýe kemesi de shamamen 11 myń metr biiktikte bolǵan.
Bir sátte ushaqtardaǵy TCAS (áýe kemeleriniń soqtyǵysýynyń aldyn alý júiesi) iske qosylǵan. Júie Iberiaushaǵynyń ekipajyna tómendeýge, al Air Europa ushaǵynyń ushqyshtaryna biiktikke kóterilýge pármen bergen. Sonyń nátijesinde Airbus A321 shamamen 150 metrge tómendep, Boeing 787 shamamen 120 metrge joǵarylaǵan. Osylaisha yqtimal apattyń aldyn alý múmkin bolǵan.
Keiin eki ushaq ta baǵyttaryn jalǵastyryp, tiisinshe Madrid pen San-Paýlý áýejailaryna shtattyq rejimde qondy.
Oqiǵaǵa bailanysty Ispaniianyń aviatsiialyq oqiǵalardy tergeý jónindegi CIAIAC komissiiasy arnaiy tekserýdi bastady. Mamandar eki ushaqtyń bir áýe dálizinde, bir biiktikte jáne qarama-qarsy baǵytta qalai qatar ushyp qalǵanyn anyqtaityn bolady.
Oqiǵa Atlant muhitynyń Kanar araldarynyń batys bóligindegi áýe keńistiginde bolǵan.
