© Sputnik / Vladislav Vodnev
Áleýmettik mańyzy bar 200-den astam nysan jekeshelendiriletin obektiler tiziminen alynyp tastaldy. Bul týraly Ulttyq ekonomika ministri Álibek Qýantyrov málimdedi, dep habarlaidy Sputnik Qazaqstan.
Aitýynsha, memlekettik monopolisterdiń ornyna jeke monopolisterdiń paida bolýyna jol bermeý maqsatynda kommýnaldyq sharýashylyqtardy jekeshelendirý tásili qaita qaraldy.
"Kórsetiletin qyzmetterdiń qoljetimdiligin qamtamasyz etý jáne sapasynyń nasharlaýyn boldyrmaý úshin jekeshelendiriletin obektiler tiziminen jergilikti tabiǵi monopoliialar nysany bolyp tabylatyn jáne halyqtyń tirshiligin qamtamasyz etý úshin mańyzdy 200-den astam áleýmettik mańyzy bar obekti alynyp tastaldy. Osylaisha, bul obektiler memlekettiń menshiginde qalady", - dedi Qýantyrov Úkimet otyrysynda.
Ministr aldaǵy ýaqytta mundai obektilerdi jekeshelendirý týraly másele tek investorlar tarapynan memleket múddesin eskeretin sharttarmen kelisken jaǵdaida ǵana qaralýy múmkin.
Osylaisha, Memlekettik múlik tiziliminde "Tabiǵi monopoliialar sýbektileri" degen jańa bólim paida bolady. Bul bólimde jeke investorlar investitsiialyq baǵdarlamasyn usyna otyryp, nysandy satyp alýǵa ótinim berý múmkindigi kózdeledi.
