«Jolaýshylar tasymaly» AQ jolaýshylar poiyzdarynyń júrý kestesine ózgeris engiziletinin málim etti, dep habarlaidy "Ult aqparat".
Atap aitqanda, №375/376 «Nur-Sultan - Nurly jol - Ridder» poiyzynyń kestesi ózgeredi. 22 mamyrdan bastap bul quram «Semei - Shar - Óskemen» (buryn «Semei - Lokot - Óskemen» arqyly qatynaityn) arqyly júretin bolady. Buǵan deiin habarlaǵanymyzdai, jolaýshylardyń jol júrý ýaqyty 5 saǵatqa qysqarady. Sondai-aq tekserýge bailanysty memlekettik shekaranyń ótkizý pýnktterinde uzaq ýaqyt aialdamaityn bolady. Joldaǵy jalpy ýaqyt - 23 saǵat 23 minýt.
Sonymen qatar 22 mamyrdan № 086 «Nur-Sultan - Saryaǵash» baǵytyndaǵy poiyzdyń kestesi ózgeredi. Endi bul quram «Nur-Sultan - Nurly jol» temirjol vokzalynan qatynaidy.
«Jolaýshylar tasymaly» AQ-dan málim etkendei, atalmysh ózgerister jolaýshylardan kelip túsken kóptegen ótinishterden keiin engizilip otyr. Tolyq aqparatty «105» anyqtama telefonynan alýǵa bolady.
