Sybailas jemqorlyqqa qarsy is-qimyl agenttiginiń tóraǵasy Alik Shpekbaev Tsifrlyq damý, innovatsiialar jáne aeroǵarysh ónerkásibi jáne Bilim men ǵylym ministrlikterinde 2 qylmystyq is tergelip jatqanyn málimdedi, dep habarlaidy QazAqparat.
Búgin agenttikte birinshi jartyjyldyqty qorytyndylaýǵa arnalǵan alqa otyrysy ótti. Onda agenttik tóraǵasy « Tsifrlyq Qazaqstan» baǵdarlamasyn iske asyrýǵa qatysty pikir bildirdi.
«Pandemiia barlyq memleketterdi qalyptasqan biznes-úderisterdi qaita pishimdeý arqyly naqty máselelerdi sheshýge ǵana emes, ózgeristerdi tiimdi basqarýǵa shyndap oilanýǵa májbúr etti. Qazirgi tańda memlekettik basqarýdy jedeldetip tsifrlandyrý taqyryby ózekti bolyp tur. Koronavirýspen kúresýdiń úzdik tájiribelerin taldaý Ońtústik Koreia men Singapýr siiaqty damyǵan jáne naqty jumys isteitin memlekettik elektrondyq servisteri bar elder pandemiiany tez arada toqtata alatyndyǵyn kórsetti» dep atap ótti Sybailas jemqorlyqqa qarsy is-qimyl agenttiginiń tóraǵasy.
Onyń aitýynsha, biýdjet qarajatyn jymqyrýǵa jol bermei, «Tsifrlyq Qazaqstan» memlekettik baǵdarlamasyn iske asyrýǵa barynsha den qoiý qajet.
«Osy turǵyda qazirgi ýaqytta tsifrlyq damý men bilim jáne ǵylym ministrlikteriniń joǵary laýazymdy tulǵalaryna qatysty tsifrlandyrý boiynsha 2 qylmystyq isti tergep jatqanymyzdy málimdegim keledi» dep atap ótti Alik Shpekbaev.
