21 shildeden 22 shildege qaraǵan túni eki er adam meiramhanadaǵy esepti tóleýden bas tartyp, janjal shyǵarǵan, dep habarlaidy ult.kz.
Sadaqmedia dereginshe, sózge kelispeýshilik keiin tóbeleske ulasyp, olar mekeme qyzmetkerin aiaýsyz soqqyǵa jyqqan.
Jábirlenýshiniń týystarynyń aitýynsha, politsiia oqiǵa ornyna tek bir jarym saǵattan keiin kelgen. Áiel birneshe kúnnen beri aýrýhanada jatyr, alaida onyń jaqyndary tergeý tiisti deńgeide júrgizilmei jatqanyn aityp otyr.
Olardyń sózinshe, tergeýshiler isti QR Qylmystyq kodeksiniń 151-baby boiynsha rásimdep jatqanyn aitqan. Alaida otbasy bul oqiǵaǵa quqyqtyq turǵydan durys baǵa berilip jatqanyna kúmán keltiredi.
Jábirlenýshiniń jaqyndary zańgerler men quqyq qorǵaý organdarynan istiń ádil tergelýine kómektesýdi surap, oqiǵaǵa qoǵam nazaryn aýdarýǵa shaqyrdy.
