Foto: Depositphotos / ArturVerkhovetskiy
QMA memlekettiń negizsiz shyǵyndaryn boldyrmaý maqsatynda iri obektilerdiń qurylysyna monitoring júrgizip jatyr, dep habarlaidy vedomstvonyń baspasóz qyzmeti.
Máselen, "Memsaraptama" RMK kómegimen Astananyń energiia torabyndaǵy apatqa qarsy avtomatikany modernizatsiialaý boiynsha joba quny 1,9 mlrd teńgege arzandatyldy. Munda jobany ázirleýshiler elektr shkaftarynyń baǵasyn negizsiz qymbattatqan.
"Taǵy bir jaǵdaida Astanada qubyr baǵasyn ósirýge bailanysty magistraldyq ainalma káriz kollektoryn salý quny 5,3 mlrd teńgege arzandatyldy.
Petropavldaǵy Solnechnyi kentiniń injenerlik-kommýnikatsiialyq infraqurylymyn salý kezinde elektr qosalqy stantsiialarynyń qunyn 4 ese arttyrý faktisi anyqtaldy. Nátijesinde 2,3 mlrd teńge biýdjet qarajaty únemdeldi", - delingen habarlamada.
Vedomstvo málimetinshe, qazirgi ýaqytta oblys ákimdikterimen taǵy 24 nysan boiynsha memleket shyǵyndaryn 13 mlrd teńgege tómendetý boiynsha jumystar júrgizilip jatyr.
"Máselen, Qaraǵandyda óndiristik aǵyndar men jerústi sarqyndy sýlaryn tazartatyn qurylys jobasy boiynsha jabdyqtyń tek úsh túriniń ǵana quny 541 mln teńgege asyryldy.
Jalpy alǵanda, 8 joba boiynsha eki aidyń ishinde biýdjet shyǵyndary 10 mlrd teńgege tómendetildi.
Bul jumys áleýmettik infraqurylymdy damytý protsesine qatysýshylar tarapynan jymqyrý faktileriniń aldyn alýǵa jáne olardy qylmystyq jaýapkershilik pen sot talqylaýlaryna tartýdan qorǵaýǵa baǵyttalǵan" - deidi QMA baspasóz qyzmeti.
