QR bas memlekettik sanitar dárigeri Aijan Esmaǵambetova karantin sharalaryn saqtaýdyń aralyq nátijeleri týraly baiandady, dep habarlaidy "Ult aqparat".
«23 shildede respýblika boiynsha koronavirýs infektsiiasynyń 76 799 jaǵdaiy tirkelgen. Onyń ishinde 48 202 naýqas nemese naýqastardyń 63 paiyzy emdelip shyqty. Syrqattaný táýligine 1600-1700 jaǵdai deńgeiinde turaqtandy. 5 shildede qatań shekteý sharalary engizilgen sátten bastap eki aptada respýblikada koronavirýstyń 21 532 jaǵdaiy tirkeldi. Aldyńǵy eki aptamen salystyrǵanda syrqattaný bir deńgeide qalyp otyr», - dedi bas sanitar dáriger Ortalyq kommýnikatsiialar qyzmetinde ótken onlain brifingte.
Onyń aitýynsha, maýsym aiynda syrqattanýdyń aptalyq ósý qarqyny 1,3-ten 2 esege deiin ósken.
«Qatań shekteý sharalary engizilgennen bastap shilde aiynda syrqattaný deńgeiiniń óspegeni baiqalady», - dedi A. Esmaǵambetova Ortalyq kommýnikatsiialar qyzmetinde ótken onlain brifingte.
