Amerikalyq Boeing aviakompaniiasynyń basshysy Dennis Melenberg kompaniia jasaǵan ushaqtardaǵy kemshilikke bailanysty daý-damaidan soń qyzmetinen ketti. Eki apat kezinde 346 adam kóz jumǵan bolatyn, dep habarlaidy euronews.com.
Byltyr qazan aiynda Indoneziiada Lion Air áýe kompaniiasyna tiesili Boeing 737 Max laineri apatqa ushyrap 189 adam qaza tapty. Biyl naýryz aiynda Efiopiiada Ethiopian Airlines áýe kompaniiasynyń osyndai modeldegi ushaǵy apatqa ushyrap, 157 adam kóz jumdy.
Tergeý barysynda eki apat kezinde de ushýdy basqarý júiesinde aqaý bolǵany anyqtaldy. Osydan soń kóptegen elder ushaqtyń osy seriialy túrin paidalanýdan bas tartty. Boeing kompaniiasy taiaýda ǵana 2020 jyldyń basynan bastap osy ushaqty jasap shyǵarýdy ýaqytsha toqtatatyn málim etti.
Kompaniianyń jańa bas direktory bolyp basqarma basshysy Devid Kelhýn taǵaiyndaldy. Ol qyzmetine 13 qańtarda kirisedi.
Boeing direktorlar keńesiniń málimdeýinshe, ábasshylyqty aýystyrý kompaniiaǵa degen senimdi qalpyna keltirýdegi qadam bolǵan, onyń maqsaty «737 MAX-ty ushýǵa qaýipsiz etip qaitarý».
