امەريكالىق Boeing اۆياكومپانيياسىنىڭ باسشىسى دەننيس مەلەنبەرگ كومپانييا جاساعان ۇشاقتارداعى كەمشٸلٸككە بايلانىستى داۋ-دامايدان سوڭ قىزمەتٸنەن كەتتٸ. ەكٸ اپات كەزٸندە 346 ادام كٶز جۇمعان بولاتىن, دەپ حابارلايدى euronews.com.
بىلتىر قازان ايىندا يندونەزييادا Lion Air ەۋە كومپانيياسىنا تيەسٸلٸ Boeing 737 Max لاينەرٸ اپاتقا ۇشىراپ 189 ادام قازا تاپتى. بيىل ناۋرىز ايىندا ەفيوپييادا Ethiopian Airlines ەۋە كومپانيياسىنىڭ وسىنداي مودەلدەگٸ ۇشاعى اپاتقا ۇشىراپ, 157 ادام كٶز جۇمدى.
تەرگەۋ بارىسىندا ەكٸ اپات كەزٸندە دە ۇشۋدى باسقارۋ جٷيەسٸندە اقاۋ بولعانى انىقتالدى. وسىدان سوڭ كٶپتەگەن ەلدەر ۇشاقتىڭ وسى سەرييالى تٷرٸن پايدالانۋدان باس تارتتى. Boeing كومپانيياسى تاياۋدا عانا 2020 جىلدىڭ باسىنان باستاپ وسى ۇشاقتى جاساپ شىعارۋدى ۋاقىتشا توقتاتاتىن مەلٸم ەتتٸ.
كومپانييانىڭ جاڭا باس ديرەكتورى بولىپ باسقارما باسشىسى دەۆيد كەلحۋن تاعايىندالدى. ول قىزمەتٸنە 13 قاڭتاردا كٸرٸسەدٸ.
Boeing ديرەكتورلار كەڭەسٸنٸڭ مەلٸمدەۋٸنشە, ەباسشىلىقتى اۋىستىرۋ كومپانيياعا دەگەن سەنٸمدٸ قالپىنا كەلتٸرۋدەگٸ قادام بولعان, ونىڭ ماقساتى «737 MAX-تى ۇشۋعا قاۋٸپسٸز ەتٸپ قايتارۋ».
