EGovMobile-de densaýlyq saqtaý boiynsha jańa qyzmet jáne «Jyljymaityn múliktiń elektrondyq tehnikalyq pasporty» degen jańa tsifrlyq qujat iske qosyldy, dep habarlaidy «Ulttyq aqparattyq tehnologiialar» AQ baspasóz qyzmeti.
EGovMobile qosymshasy arqyly endi ambýlatoriialyq emdeý kezinde qandai dári-dármekter men meditsinalyq buiymdardy tegin alýǵa bolatynyn bilýge bolady. Sondai-aq, jańa tsifrlyq qujat – «Jyljymaityn múliktiń elektrondy tehnikalyq pasporty» qoljetimdi boldy.
«Biz azamattar úshin paidaly qyzmetter men servisterdiń sanyn arttyrýǵa tyrysamyz. Qazir eGov.kz portalynda Densaýlyq saqtaý salasy boiynsha 37 qyzmet qoljetimdi, bizdiń maqsatymyz olardyń basym bóligin eGovMobile qosymshasynda iske asyrý», - dep atap ótti «Ulttyq aqparattyq tehnologiialar» AQ Basqarma tóraǵasy Áset Turysov.
Jańa qyzmettiń kómegimen qosymshada tegin meditsinalyq kómektiń kepildik berilgen kólemi sheńberinde ambýlatoriialyq emdeý kezinde azamatqa qandai dárilik zattar, mamandandyrylǵan emdik ónimder men meditsinalyq maqsattaǵy buiymdar qajet ekenin bilýge bolady.
Qyzmetti qosymsha arqyly alý úshin «Densaýlyq saqtaý» bóliminde «Azamattardyń jekelegen sanattaryna dárilik zattardy, mamandandyrylǵan emdik ónimderdi, meditsinalyq maqsattaǵy buiymdardy usyný» qyzmetin tańdap, kezeńdi kórsetý jáne qyzmetke tapsyrys berý qajet. Bir jumys kúni ishinde suraý salý óńdelip, jaýap kelip túsedi.
Qosymshadaǵy elektrondyq tehnikalyq pasport ózimen birge tehpasporttyń túpnusqasy joq adamdar úshin paidaly bolady. Paidalanýshy árqashan qujatty talap etý orny boiynsha kórsete alady. Sonymen qatar, servis qujat iesine QR-kod kómegimen kirý múmkindigin ashý fýnktsiiasyn usynady, bul qujatqa suraý salýshy tarapqa qujattyń túpnusqalyǵyna kóz jetkizýge kómektesedi.
Búgingi kúni qosymshada qujattyń 6 túri bar:
Jeke kýálik;
Neke týraly kýálik;
Týý týraly kýálik;
Atyn, ákesiniń atyn, tegin aýystyrý týraly kýálik;
Nekeni buzý týraly kýálik;
Elektrondyq tehnikalyq pasport.
