EGovMobile-دە دەنساۋلىق ساقتاۋ بويىنشا جاڭا قىزمەت جەنە «جىلجىمايتىن مٷلٸكتٸڭ ەلەكتروندىق تەحنيكالىق پاسپورتى» دەگەن جاڭا تسيفرلىق قۇجات ٸسكە قوسىلدى, دەپ حابارلايدى «ۇلتتىق اقپاراتتىق تەحنولوگييالار» اق باسپاسٶز قىزمەتٸ.
EGovMobile قوسىمشاسى ارقىلى ەندٸ امبۋلاتورييالىق ەمدەۋ كەزٸندە قانداي دەرٸ-دەرمەكتەر مەن مەديتسينالىق بۇيىمداردى تەگٸن الۋعا بولاتىنىن بٸلۋگە بولادى. سونداي-اق, جاڭا تسيفرلىق قۇجات – «جىلجىمايتىن مٷلٸكتٸڭ ەلەكتروندى تەحنيكالىق پاسپورتى» قولجەتٸمدٸ بولدى.
«بٸز ازاماتتار ٷشٸن پايدالى قىزمەتتەر مەن سەرۆيستەردٸڭ سانىن ارتتىرۋعا تىرىسامىز. قازٸر eGov.kz پورتالىندا دەنساۋلىق ساقتاۋ سالاسى بويىنشا 37 قىزمەت قولجەتٸمدٸ, بٸزدٸڭ ماقساتىمىز ولاردىڭ باسىم بٶلٸگٸن eGovMobile قوسىمشاسىندا ٸسكە اسىرۋ», - دەپ اتاپ ٶتتٸ «ۇلتتىق اقپاراتتىق تەحنولوگييالار» اق باسقارما تٶراعاسى ەسەت تۇرىسوۆ.
جاڭا قىزمەتتٸڭ كٶمەگٸمەن قوسىمشادا تەگٸن مەديتسينالىق كٶمەكتٸڭ كەپٸلدٸك بەرٸلگەن كٶلەمٸ شەڭبەرٸندە امبۋلاتورييالىق ەمدەۋ كەزٸندە ازاماتقا قانداي دەرٸلٸك زاتتار, مامانداندىرىلعان ەمدٸك ٶنٸمدەر مەن مەديتسينالىق ماقساتتاعى بۇيىمدار قاجەت ەكەنٸن بٸلۋگە بولادى.
قىزمەتتٸ قوسىمشا ارقىلى الۋ ٷشٸن «دەنساۋلىق ساقتاۋ» بٶلٸمٸندە «ازاماتتاردىڭ جەكەلەگەن ساناتتارىنا دەرٸلٸك زاتتاردى, مامانداندىرىلعان ەمدٸك ٶنٸمدەردٸ, مەديتسينالىق ماقساتتاعى بۇيىمداردى ۇسىنۋ» قىزمەتٸن تاڭداپ, كەزەڭدٸ كٶرسەتۋ جەنە قىزمەتكە تاپسىرىس بەرۋ قاجەت. بٸر جۇمىس كٷنٸ ٸشٸندە سۇراۋ سالۋ ٶڭدەلٸپ, جاۋاپ كەلٸپ تٷسەدٸ.
قوسىمشاداعى ەلەكتروندىق تەحنيكالىق پاسپورت ٶزٸمەن بٸرگە تەحپاسپورتتىڭ تٷپنۇسقاسى جوق ادامدار ٷشٸن پايدالى بولادى. پايدالانۋشى ەرقاشان قۇجاتتى تالاپ ەتۋ ورنى بويىنشا كٶرسەتە الادى. سونىمەن قاتار, سەرۆيس قۇجات يەسٸنە QR-كود كٶمەگٸمەن كٸرۋ مٷمكٸندٸگٸن اشۋ فۋنكتسيياسىن ۇسىنادى, بۇل قۇجاتقا سۇراۋ سالۋشى تاراپقا قۇجاتتىڭ تٷپنۇسقالىعىنا كٶز جەتكٸزۋگە كٶمەكتەسەدٸ.
بٷگٸنگٸ كٷنٸ قوسىمشادا قۇجاتتىڭ 6 تٷرٸ بار:
جەكە كۋەلٸك;
نەكە تۋرالى كۋەلٸك;
تۋۋ تۋرالى كۋەلٸك;
اتىن, ەكەسٸنٸڭ اتىن, تەگٸن اۋىستىرۋ تۋرالى كۋەلٸك;
نەكەنٸ بۇزۋ تۋرالى كۋەلٸك;
ەلەكتروندىق تەحنيكالىق پاسپورت.
