Kásipkerliktegi jarǵylyq kapital úlesiniń ieleri egov.kz elektrondy úkimet portalynda óz úlesin senimgerlik basqarýǵa berý múmkindigine ie boldy. Bul týraly QazAqparat nitec.kz saityna silteme jasap habarlaidy.
Jańa qyzmetti egov.kz portalynda onlain alý QR Tsifrlyq damý, innovatsiialar jáne aeroǵarysh ónerkásibi ministrligi, «Ulttyq aqparattyq tehnologiialar» AQ jáne QR Ádilet ministrliginiń aqparattyq júielerin biriktirý arqyly júzege asyrylyp otyr.
Qyzmet zańdy jáne jeke tulǵalarǵa qoljetimdi ári tegin kórsetiledi. Endi quryltaishynyń (jeke tulǵanyń) jarǵylyq kapitaldaǵy úlesterin senimgerlik basqarýǵa berý, úlesti basqarýǵa berý merzimin ózgertý jáne senimgerlik basqarýǵa berýdi qaitaryp alý múmkindigi bar.
«Jańa qyzmettiń yńǵailylyǵy – úiden shyqpai-aq zańdy tulǵanyń úlesin onlain basqarýǵa berýge bolatyny. Biz memlekettik organmen birlesip qyzmet alý ýaqytyn qysqartý aiasynda jumys istep jatyrmyz. QR TsDIAÓM birlesken jumystyń arqasynda tsifrlyq transformatsiia azamattar úshin de, kásip úshin de kóptegen biznes-protsesterdi jeńildetedi jáne jaqsartady», - deidi «Ulttyq aqparattyq tehnologiialar» AQ Basqarma Tóraǵasy Rostislav Koniashkin.
«Ulttyq aqparattyq tehnologiialar» AQ Qoǵammen bailanys basqarmasynyń málimdeýinshe, memlekettik qyzmetter tiziminde qazir 700-ge jýyq qyzmet pen servis qoljetimdi. Ótken jyly elektrondy úkimet portalynda qyzmetterdiń 92%-y avtomattandyryldy. Egov.kz portalynyń kómegimen azamattarǵa shamamen 50 million qyzmet kórsetilgen, bul 2020 jylmen salystyrǵanda 6 millionǵa kóp.
