كەسٸپكەرلٸكتەگٸ جارعىلىق كاپيتال ٷلەسٸنٸڭ يەلەرٸ egov.kz ەلەكتروندى ٷكٸمەت پورتالىندا ٶز ٷلەسٸن سەنٸمگەرلٸك باسقارۋعا بەرۋ مٷمكٸندٸگٸنە يە بولدى. بۇل تۋرالى قازاقپارات nitec.kz سايتىنا سٸلتەمە جاساپ حابارلايدى.
جاڭا قىزمەتتٸ egov.kz پورتالىندا ونلاين الۋ قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸ, «ۇلتتىق اقپاراتتىق تەحنولوگييالار» اق جەنە قر ەدٸلەت مينيسترلٸگٸنٸڭ اقپاراتتىق جٷيەلەرٸن بٸرٸكتٸرۋ ارقىلى جٷزەگە اسىرىلىپ وتىر.
قىزمەت زاڭدى جەنە جەكە تۇلعالارعا قولجەتٸمدٸ ەرٸ تەگٸن كٶرسەتٸلەدٸ. ەندٸ قۇرىلتايشىنىڭ (جەكە تۇلعانىڭ) جارعىلىق كاپيتالداعى ٷلەستەرٸن سەنٸمگەرلٸك باسقارۋعا بەرۋ, ٷلەستٸ باسقارۋعا بەرۋ مەرزٸمٸن ٶزگەرتۋ جەنە سەنٸمگەرلٸك باسقارۋعا بەرۋدٸ قايتارىپ الۋ مٷمكٸندٸگٸ بار.
«جاڭا قىزمەتتٸڭ ىڭعايلىلىعى – ٷيدەن شىقپاي-اق زاڭدى تۇلعانىڭ ٷلەسٸن ونلاين باسقارۋعا بەرۋگە بولاتىنى. بٸز مەملەكەتتٸك ورگانمەن بٸرلەسٸپ قىزمەت الۋ ۋاقىتىن قىسقارتۋ اياسىندا جۇمىس ٸستەپ جاتىرمىز. قر تسدياٶم بٸرلەسكەن جۇمىستىڭ ارقاسىندا تسيفرلىق ترانسفورماتسييا ازاماتتار ٷشٸن دە, كەسٸپ ٷشٸن دە كٶپتەگەن بيزنەس-پروتسەستەردٸ جەڭٸلدەتەدٸ جەنە جاقسارتادى», - دەيدٸ «ۇلتتىق اقپاراتتىق تەحنولوگييالار» اق باسقارما تٶراعاسى روستيسلاۆ كونياشكين.
«ۇلتتىق اقپاراتتىق تەحنولوگييالار» اق قوعاممەن بايلانىس باسقارماسىنىڭ مەلٸمدەۋٸنشە, مەملەكەتتٸك قىزمەتتەر تٸزٸمٸندە قازٸر 700-گە جۋىق قىزمەت پەن سەرۆيس قولجەتٸمدٸ. ٶتكەن جىلى ەلەكتروندى ٷكٸمەت پورتالىندا قىزمەتتەردٸڭ 92%-ى اۆتوماتتاندىرىلدى. Egov.kz پورتالىنىڭ كٶمەگٸمەن ازاماتتارعا شامامەن 50 ميلليون قىزمەت كٶرسەتٸلگەن, بۇل 2020 جىلمەن سالىستىرعاندا 6 ميلليونعا كٶپ.
