Budan bylai Elektrondyq úkimet portalynyń kómegimen el turǵyndary jańa salyqtar men mindetti tólemderdiń 18 túrin tólei alady. Bul týraly «Ulttyq aqparattyq tehnologiialar» AQ men Qarjy ministrliginiń memlekettik kirister komiteti habarlaidy.
Bul qyzmet salyq tóleýshilerge (jeke jáne zańdy tulǵalarǵa) 18 túrli salyqtardy jáne mindetti tólemderdi tóleýge múmkindik beredi. Olar: korporativtik tabys salyǵy (2 túrde), jeke tabys salyǵy (3 túrde), áleýmettik salyq, zańdy tulǵalar jáne jeke kásipkerler múligine salynatyn salyqtar, jer salyǵy (2 túrde); zańdy tulǵalardyń kólik quraldaryna salynatyn salyq, Biryńǵai jer salyǵy, qosylǵan qun salyǵy (6 túrde), aktsizder (12 túrde), arnaiy tólemder jáne jer qoinaýyn paidalanýshylar salyǵy (10 túrde). Sondai-aq, eksportqa salynatyn renta salyǵy (2 túrde), oiyn biznesine salyq (2 túrde), tirkelgen salyq, alymdar (10 túrde), tólemder (15 túrde), kedendik tólemder (27 túrde), basqa tólemder (2 túrde), bajdar (2 túrde) enedi.
Al, tólemdi júrgizý úshin salyq tóleýshi retinde tirkelý kerek. Tólemdi júrgizý úshin qarajattyń bolýy qajet eken.
Salyq tóleýshi jeke tulǵa retinde avtorizatsiialaý múmkindigine ie. Sondai-aq, ol zańdy tulǵa salyqtaryn da tólei alady. Buǵan qosa, BSN derekterin toltyra otyryp, tólem jasaýyna bolady. Ol tólemderdi jasaý úshin elektrondyq tsifrlyq qoltańba men portalda avtorizatsiiadan ótý talap etilmeidi. Kórsetilgen qyzmetterden soń elektrondyq túbirtek nátije retinde kórsetiledi.
Buǵan deiin, portalda jeke tulǵalar úshin salyqtardyń 4 túri ǵana tólem úshin qoljetimdi bolatyn. Olar: múlikke salyq, kólikke salyq, jer salyǵy jáne ósimpul, aiyppuldar, salyqtar bereshegi.
Aita keteiik, «Elektrondyq úkimet» – bul memlekettik qyzmet kórsetýlerdi avtomattandyrý jáne ońtailandyrý, qoǵamdy memlekettik basqarý máselelerine tartýdy arttyrýǵa baǵyttalǵan. «Elektrondyq úkimetti» qalyptastyrýdyń negizgi maqsaty – memlekettik qyzmetti AKT-ny paidalaný arqyly kórsetip, azamattardyń memlekettik basqarý úderisine qatysý dárejesin ulǵaitý bolyp tabylady.
Buǵan qosa, memlekettik qyzmettiń ishki tiimdiligin arttyrý da basty maqsaty sanalady. «Elektrondyq úkimetti» qurý ideiasyn QR Prezidenti N.Á. Nazarbaev 1997 jyly «Qazaqstan-2030» memlekettik baǵdarlamasynda kótergen bolatyn. «Elektrondyq úkimetti» qalyptastyrýdyń álemdik tájiribesine keler bolsaq, onda «elektrondyq úkimet» pen elektrondy demokratiiany qurý ideiasyn alǵash ret AQSh pen Ulybritaniia ǵalymdary usynsa, Singapýr men Ońtústik Koreiada tabysty júzege asyrylyp jatyr.
