Sybailas jemqorlyq qylmysy týraly aqparatty endi eGov.kz portaly men eGov mobildi qosymshasynan alýǵa bolady, - dep habarlaidy "Ulttyq aqparattyq tehnologiialar" (UAT) baspasóz qyzmeti.
Qyzmet onlain rejiminde qoljetimdi jáne tegin kórsetiledi. Jańa qyzmettiń kómegimen sybailas jemqorlyq qylmystyń bolýy nemese bolmaýy týraly málimetter alýǵa bolady:
- azamattyq qyzmetke kirý kezinde;
- kvazimemlekettik sektor sýbektilerine jumysqa ornalasý kezinde.
Buǵan deiin málimetterdi Qazaqstan Respýblikasy Bas prokýratýrasynyń Quqyqtyq statistika jáne arnaiy esepke alý komiteti jáne onyń óńirlik basqarmalary azamattardyń jeke ótinishteri boiynsha E-otinish azamattardyń ótinishterin qabyldaý men óńdeýdiń biryńǵai platformasy arqyly alýǵa bolatyn.
Málimetter jumys berýshige usynylǵannan keiin, jumysqa qabyldaý týraly sheshimdi jumys berýshi qabyldaidy. QR Eńbek kodeksine sáikes, sybailas jemqorlyq qylmys jasaǵan adamdy kvazimemlekettik sektor sýbektilerine jumysqa ornalasýyna jol berilmeidi.
Bul jańartýlar Qazaqstan Respýblikasy Prezidentiniń Jarlyǵy sheńberinde júzege asyrylǵany aityldy.
eGov.kz portalynda jańa qyzmetti alý úshin paidalanýshylar:
- portalda avtorlanýdan ótý;
- basty bette "Azamattarǵa" - "Jumysqa ornalastyrý jáne jumyspen qamtý" - "Jumysqa ornalastyrý jáne jumys izdeý" bólimin tańdaý qajet;
- "Adamnyń sybailas jemqorlyq qylmysy týraly málimetter berý" qyzmetin tańdap, "Qyzmetke onlain tapsyrys berý" batyrmasyn basý qajet;
- qyzmetke ETsQ qoiý jáne alý.
Qyzmet kórsetý merzimi:
- 10 minýt;
- qosymsha tekserý qajet bolǵan jaǵdaida – 5 jumys kúni;
- qosymsha tekserý júrgizilgen jaǵdaida, 3 jumys kúni ishinde kórsetiletin qyzmetti berýshi suraý salýdy alǵan sátten bastap 20 jumys kúni ótken soń qaita ótinish berý qajettigi týraly aralyq jaýap joldanady.
Qyzmet kórsetý nátijesi - habarlama, jeke kabinette "Qyzmetter tarihy" bóliminde túpkilikti protsestik sheshim qabyldanbaǵan sybailas jemqorlyq baptary boiynsha qozǵalǵan qylmystyq istiń bolýy ne bolmaýy týraly málimetter bolady.
Bul rette atalǵan qyzmet túri eGov mobildi qosymshasynyń "Jumysqa ornalastyrý jáne jumyspen qamtý" bóliminde qoljetimdi. Málimetter eGov mobile-ge Habarlandyrýlar bólimine jiberiledi.
