Foto: "Ulttyq aqparattyq tehnologiialar" AQ
Endi eGov mobile qosymshasynda eńbek shartyna qol qoiýǵa bolady, dep habarlady "Ulttyq aqparattyq tehnologiialar" AQ.
Jańadan jumysqa kirgen adam endi jumys berýshimen eńbek shartyna tek qaǵaz túrinde ǵana emes, smartfon arqyly da qol qoia alady.
"Jumys berýshi hr.enbek.kz portalynda óziniń jeke kabinetinde elektrondy eńbek shartynyń jobasyn jasaidy jáne ony jumyskerge kelisimge joldaidy. Shartqa qol qoiý usynysymen jumyskerdiń eGov Mobile mobildi qoldanbasyna push-habarlama keledi. Jumysker óziniń jeke basyn qysqa parolmen, mobildi qosymshadaǵy biometriialyq derektermen rastaidy, Push - habarlama arqyly ótedi", - deidi vedomstvo.
Jumysker eńbek shartymen tanysady, eger sharttarmen kelisse, qysqa kodty engizip nemese biometriialyq derektermen tekserýden ótip, óziniń ETsQ kómegimen qol qoiady. Júie hr.enbek.kz portalyndaǵy jumys berýshiniń jeke kabinetine habarlama jiberedi.
"Jumys berýshi ETsQ nemese QR arqyly qol qoiady. Júie qol qoiylǵan elektrondy eńbek shartyn eńbek sharttaryn esepke alýdyń biryńǵai júiesine (EShEBJ) tirkeýge avtomatty túrde jiberedi, sodan keiin shart jasalǵan bolyp esepteledi", - deidi aktsionerlik qoǵam.
Eger paidalanýshyda mobildi qoldanba ornatylmaǵan bolsa, biraq mobildi azamattar bazasynda tirkelgen bolsa, oǵan qoldanbany júkteýge siltememen 1414 nómirinen sms-habarlama jiberiledi.
Servis iske qosylǵan sátten bastap qol qoiylǵan elektrondy eńbek sharttarynyń sany myńǵa jýyqtady.
