فوتو: "ۇلتتىق اقپاراتتىق تەحنولوگييالار" اق
ەندٸ eGov mobile قوسىمشاسىندا ەڭبەك شارتىنا قول قويۋعا بولادى, دەپ حابارلادى "ۇلتتىق اقپاراتتىق تەحنولوگييالار" اق.
جاڭادان جۇمىسقا كٸرگەن ادام ەندٸ جۇمىس بەرۋشٸمەن ەڭبەك شارتىنا تەك قاعاز تٷرٸندە عانا ەمەس, سمارتفون ارقىلى دا قول قويا الادى.
"جۇمىس بەرۋشٸ hr.enbek.kz پورتالىندا ٶزٸنٸڭ جەكە كابينەتٸندە ەلەكتروندى ەڭبەك شارتىنىڭ جوباسىن جاسايدى جەنە ونى جۇمىسكەرگە كەلٸسٸمگە جولدايدى. شارتقا قول قويۋ ۇسىنىسىمەن جۇمىسكەردٸڭ eGov Mobile موبيلدٸ قولدانباسىنا push-حابارلاما كەلەدٸ. جۇمىسكەر ٶزٸنٸڭ جەكە باسىن قىسقا پارولمەن, موبيلدٸ قوسىمشاداعى بيومەترييالىق دەرەكتەرمەن راستايدى, Push - حابارلاما ارقىلى ٶتەدٸ", - دەيدٸ ۆەدومستۆو.
جۇمىسكەر ەڭبەك شارتىمەن تانىسادى, ەگەر شارتتارمەن كەلٸسسە, قىسقا كودتى ەنگٸزٸپ نەمەسە بيومەترييالىق دەرەكتەرمەن تەكسەرۋدەن ٶتٸپ, ٶزٸنٸڭ ەتسق كٶمەگٸمەن قول قويادى. جٷيە hr.enbek.kz پورتالىنداعى جۇمىس بەرۋشٸنٸڭ جەكە كابينەتٸنە حابارلاما جٸبەرەدٸ.
"جۇمىس بەرۋشٸ ەتسق نەمەسە QR ارقىلى قول قويادى. جٷيە قول قويىلعان ەلەكتروندى ەڭبەك شارتىن ەڭبەك شارتتارىن ەسەپكە الۋدىڭ بٸرىڭعاي جٷيەسٸنە (ەشەبج) تٸركەۋگە اۆتوماتتى تٷردە جٸبەرەدٸ, سودان كەيٸن شارت جاسالعان بولىپ ەسەپتەلەدٸ", - دەيدٸ اكتسيونەرلٸك قوعام.
ەگەر پايدالانۋشىدا موبيلدٸ قولدانبا ورناتىلماعان بولسا, بٸراق موبيلدٸ ازاماتتار بازاسىندا تٸركەلگەن بولسا, وعان قولدانبانى جٷكتەۋگە سٸلتەمەمەن 1414 نٶمٸرٸنەن sms-حابارلاما جٸبەرٸلەدٸ.
سەرۆيس ٸسكە قوسىلعان سەتتەن باستاپ قول قويىلعان ەلەكتروندى ەڭبەك شارتتارىنىڭ سانى مىڭعا جۋىقتادى.
