Biylǵy egis jáne oraq júmystaryna beriletin biýdjettik nesieniń mólsherin eki ese ulǵaitý kózdelip otyr. Bul týraly Úkimet otyrysynda QR Aýyl sharýashylyǵy birinshi vitse-ministri Aidarbek Saparov aitty, dep habarlaidy QazAqparat.
«Biyl «Agrarlyq nesie korporatsiiasy» jelisi boiynsha kóktemgi egis jáne egin jinaý jumystaryna kredit berýge 70 mlrd teńge kóleminde biýdjettik kredit bólindi.
Búgingi kúni «Keń dala» baǵdarlamasy aiasynda resmi túrde 77,6 mlrd teńge somasyna aýyl sharýashylyǵy taýarlaryn óndirýshilerden 2673 ótinim kelip tústi. Onyń ishinde:
– 24,1 mlrd teńge aýyl sharýashylyǵy taýarlaryn óndirýshilerdiń 720 ótinimi qarjylandyryldy;
- 40,4 mlrd teńgege aýyl sharýashylyǵy taýarlaryn óndirýshilerdiń 1748 ótinimi maquldandy;
- 13,1 mlrd. teńgege 205 aýyl sharýashylyǵy taýarlaryn óndirýshilerdiń ótinimi qaralýda», - dedi ministrlik ókili.
Onyń aitýynsha, qazir ministrlik tarapynan kóktemgi egis jáne egin jinaý jumystaryn júrgizý úshin qarjylandyrý kólemin qosymsha 70 mlrd teńgege ulǵaitý, biýdjettik kreditteýdi 140 mlrd teńgege deiin jetkizý máselesi pysyqtalyp jatyr.
«Bul rette, 70 mlrdteńge mólsherinde qosymsha qarajat bólingen kezde aýyl sharýashylyǵy taýarlaryn óndirýshilerdi qoljetimdi kreditteýmen qamtý ulǵaitylady. Bul qosymsha shamamen 1300 jobany qarjylandyrýǵa múmkindik beredi», - dedi Aidarbek Saparov.
