QR Densaýlyq saqtaý vitse-ministri – Bas memlekettik sanitar dáriger Erlan Qiiasov lokdaýnsyz ómirge oralý úshin qansha qazaqstandyq vaktsina alýy qajet ekenin túsindirdi, dep habarlaidy "Ult aqparat".
Tilshiler bas sanitardan vaktsinalaýdyń qandai oń áseri bolatynyn surady.
«Eger halyqtyń kem degende 50%-y vaktsina alsa, immýndyq qabat paida bolady. Osylaisha, esh shekteýsiz, karantinsiz, lokdaýnsyz qalypty ómirge orala alamyz. Vaktsinalaýdyń eń basty nátijesi osy bolady», - dep jaýap berdi Erlan Qiiasov №6 qalalyq emhanada tilshilerge bergen suhbatynda.
Sonymen birge, Qiiasov jyl sońyna deiin 6 million adamdy vaktsinamen qamtamasyz etý josparlanǵanyn atap ótti.
«Jalpy, egý jumystary úshin 10 million azamatqa deiin eseptelgen sandardy aldyq. Báriniń vaktsina alǵanyn qalar edik, óitkeni koronavirýstyń qandai qaýipti infektsiia ekenin bilesizder. Barlyǵyn vaktsina alýǵa shaqyrýǵa tyrysamyz», - deidi E. Qiiasov.
Aita keteiik, búgin elordadaǵy №6 qalalyq emhanada QR Densaýlyq saqtaý vitse-ministri – Bas memlekettik sanitar dáriger Erlan Qiiasov pen Densaýlyq saqtaý vitse-ministri Ajar Ǵiniiat koronavirýsqa qarsy vaktsina saldyrdy.
