Energetika ministri Bolat Aqsholaqov Eýraziialyq ekonomikalyq odaq aiasynda biryńǵai janar-jaǵarmai naryǵyn qurý bastamasy Qazaqstan naryǵyna qalai áser etýi múmkin ekenin túsindirdi, dep habarlaidy QazAqparat.
«Eýraziialyq ekonomikalyq odaq aiasynda munai ónimderiniń baǵasyn 2025 jylǵa qarai teńestirý maqsatynda ishki naryqtaǵy baǵa qymbattaityny aitylǵan bolatyn. Bul aparatty rastaisyz ba? Mundai kelisim naqty qjatta bekitilip qoidy ma?», - dep suradyq BAQ ókili ortalyq kommýnikatsiialar qyzmetinde ótken brifingide.
«Iá, EAEO aiasynda janar-jaǵarmaidyń birtutas naryǵyna jetýimiz kerek negizi. Árine, bul jan-jaqtan pysyqtap qaraityn másele. Sebebi salyq jaǵynan qarasaq, Resei Federatsiiasyna qaraǵanda edáýir aiyrmashylyǵymyz bar. Aktsiz jaǵynan, jalpy salyq jaǵynan da solai. Árine, qazir naqty qandai baǵa bolatynyn aitýǵa kelmeidi. Mysaly, odaqtas eki eldiń arasynda saýdany salyqsyz júrgizý degen másele bar. Ondai bolsa, baǵanyń deńgeiin bir-birimen salystyrýǵa bolady. Al eger ár el óz salyǵyn qosatyn bolsa, árine baǵada biraz aiyrmashylyq bolady. Sondyqtan bul másele áli sheshilmegen», -dedi ministr.
Onyń aitýynsha, naqty sheshim shǵarý úshin áli 4 jyl bar.
«Aldaǵy 4 jyldyń ishinde búkil erejelerdiń jobasyn qarastyramyz. Ázirge bular joba ǵana. Qazir barlyq deńgeide kelissózder júrgizip jatyrmyz.
Árine, naqty bir jobaǵa toqtaǵan kezde, ony Úkimetke maquldatyp, bárin anyqtap (...) baiandap, sol kezde sheshedi. Dál qazir bizdegi baǵa Reseidegimen salystyrǵanda tómen. Erteń bizdiń tutynýshylarǵa áser etpeý úshin, árine, ol kelissózderdi óte muqiiat júrgizemiz», - dedi bolat Aqsholaqov.
