Eýraziialyq ekonomikalyq odaq elderi men Qytai Halyq Respýblikasy saýda-ekonomikalyq yntymaqtastyq týraly kelisimge qol qoidy. Atalǵan qujat Astana ekonomikalyq forýmy aiasynda rásimdeldi, dep xabarlaidy "Ult aqparat".
Qazaqstan tarapynan kelisimdi QR Premer-Ministriniń birinshi orynbasary Asqar Mamin rásimdedi. Sondai-aq, Armeniianyń vitse-premeri Tigran Avinian, Belarýstiń birinshi vitse-premeri Vasilii Matiýshevskii, Qytaidyń ministr dárejesindegi xalyqaralyq saýda ókili Fý Tszin, Qyrǵystannyń vitse-premeri Zamirbek Asqarov, Reseidiń vitse-premeri Dmitrii Kozak jáne EAEO kollegiianyń tóraǵasy Tigran Sarkisian óz qoldaryn qoidy.
Aita keteiik, búgin tańerteń AEF-2018 aiasynda taǵy bir kelisimge qol qoiyldy. Atalǵan qujat boiynsha EAEO pen Iran arasynda ýaqytsha erkin saýda aimaǵyn qurý josparlanǵan. Taraptar birqatar taýarlar boiynsha kedendik baj salyǵyn 3 jylǵa deiin tómendetýge ýaǵdalasty.
Atap aitqanda, Iran 246 taýarǵa, al Eýraziialyq ekonomikalyq odaq elderi 175 taýarǵa tarif jaǵynan jeńildik jasaityn bolady. Máselen, Qazaqstannyń 102 eksporttyq taýary boiynsha Iranda kedendik baj salyǵy tómendeidi. Sonyń ishinde siyr eti, qoi eti, sary mai, noqat, burshaq, jasymyq, arpa, kúrish, ósimdik mailary, makarondar, konditerlik ónimder, bolat prokaty, relster, akkýmýliatorlar jáne taǵy basqa ónimder bar. Óz kezeginde Iran memleketi EAEO-ǵa piste, qurma, injir, meiiz, asshaian, apelsin, limon, laim, konditerlik ónimder, shyryndardyń keibir túrleri, qurylys boiaýlary, laktar, ydys, jýý quraldary, kilemder, plastmassa buiymdary siiaqty taýarlardy 10 protsentke deiingi jeńildikpen tasymaldai alady. Al alma, qiiar, tomattar siiaqty irandyq ónimderge tek maýsymdyq, naqty aitqanda, qarasha men naýryz aralyǵynda ǵana jeńildikter beriledi.
