5 aqpan kúni Almatyda ótetin Eýraziialyq úkimetaralyq keńesiniń kezekti otyrysy barysynda 11 másele qarastyrylady. Bul týraly búgin brifing kezinde EEK Alqa tóraǵasynyń kómekshisi Iia Malkina málim etti, dep habarlaidy "Ult aqparat".
«Otyrys Almaty qalasynda ótedi. Mundaǵy eki másele EEK Alqasynyń Qazaqstan men Belarýs elderiniń ishki naryqtar qyzmetiniń aiasynda mindettemelerdi oryndaý týraly sheshimderin ózgertýge bailanysty bolady. Másele EAEO elderine qara jáne tústi metaldar synyǵyn shyǵarýǵa tyiym salýdy tosqaýyl retinde taný týraly bolmaq. Úkimet basshylary EAEO-da arnaiy qorǵanys, dempingke qarsy jáne óteý sharalaryn qoldaný mehanizmderin jetildirý boiynsha qadamdardy qarastyrady», - dep atap ótti Alqa tóraǵasynyń kómekshisi.
«Sondai-aq, kún tártibinde paidalanýshy elderdiń EAEO tariftik preferentsiialary biryńǵai júiesiniń tizimin ózektilendirý máselesi turady», - dep habarlady I.Malkina.
Úkimetaralyq keńes Odaq memleketteriniń ótkizý beketterinde elektrondyq qujat ainalymyn damytý kontseptsiiasyn, Odaq memleketterinde ótkizilip júrgen asyl tuqymdy mal sharýashylyǵy salasyndaǵy selektsiialyq-tuqymdyq jumystyń úilestirilý tártibi men analitikalyq qamtamasyz etý tártibin qarastyrady.
Budan basqa, Komissiia úkimet basshylaryna Odaq memleketterindegi makroekonomikalyq jaǵdai jáne turaqty ekonomikalyq damýdy qamtamasyz etý usynystary týraly baiandamasyn usynady.
