EAEO elderiniń ekonomikalyq belsendiligin arttyrý qajet. Bul týraly Eýraziialyq úkimetaralyq keńestiń keńeitilgen otyrysynda QR Premer-Ministri Álihan Smaiylov aitty, dep habarlaidy QazAqparat.
«Búginde, postpandemiialyq kezeńde elderimizdiń ekonomikalyq belsendiligin arttyrý jumystaryn buryn-sońdy bolmaǵan deńgeide kúsheitýimiz qajet. Barlyq taraptyń kelisilgen kúsh-jigeri ǵana memleketterimizdiń azamattarynyń ál-aýaqatyn arttyrý kilti sanalady», - QR Premer-Ministr.
Úkimet basshysy Qazaqstan EAEO quqyqtarynda bekitilgen negizi quraýshy printsipterdi júzege asyrý boiynsha júieli ári dáiekti jumysqa daiyn ekendigin atap ótti.
«Ádettegidei ózara túsinistik, senim men syndarly dialog ahýalynda ótken búgingi kezdesýdiń qorytyndysynda biz qabyldaǵan sheshimder integrtsiialyq birlestiktiń odan ary damýyn qamtamasyz etýge jáne qol jetkizilgen ýaǵdalastyqtardy júzege asyrýǵa múmkindik beredi», - dedi Álihan Smaiylov.
