Birizdendirilgen izdeý júiesi iske qosylǵannan keiin EAEO elderiniń azamattary men uiymdary ekonomikalyq odaqqa múshe-memleketterdegi bos jumys oryndaryn paidalana alady jáne sol eldiń azamattaryn qyzmetke jaldai alady, dep habarlaidy "Ult aqparat".
Eýraziialyq ekonomikalyq odaq týraly shartta odaq sheńberinde taýarlardyń, qyzmetterdiń, kapitaldyń jáne jumys kúshiniń erkin qozǵalysyn qamtamasyz etý kózdelgen. Búginde odaqtyń quramyna Qazaqstan, Armeniia, Belarýs, Qyrǵyzstan jáne Resei memleketteri kiredi.
«Qazirgi ýaqytta odaqqa múshe barlyq memleketter «Shekarasyz jumys» birizdendirilgen izdeý júiesi» atty jobany iske asyrýda. Izdeý júiesi jumysqa ornalastyrý jáne jumyspen qamtý salasyndaǵy EAEO-ǵa múshe memleketterdiń aqparattyq júielerindegi bos jumys oryndary men jumys izdeýshiler týraly aqparatqa qol jetkizýdi qamtamasyz etedi. Jobaǵa bes eldiń qoldanystaǵy ulttyq júieleri iske qosylǵan» dep málim etti Eńbek resýrstaryn damytý ortalyǵynan.
Qazaqstan Respýblikasy tarapynan jobanyń úilestirýshisi - Eńbek jáne halyqty áleýmettik qorǵaý ministrligi, al ulttyq operatory – «Eńbek resýrstaryn damytý ortalyǵy» AQ, ulttyq júie – elektrondyq eńbek birjasy www.enbek.kz.
Jobany iske asyrý nátijesinde EEB portalynda avtorlandyrylǵan paidalanýshylar odaqtyń ulttyq júielerinde bos oryndar men túiindemelerdi izdestire alady.
Bul rette bir nemese birneshe múshe memleketterdiń aýmaǵynda jumys izdeýdi nemese personaldy irikteýge, bos oryndar men túiindemelerdi qaraýǵa, sondai-aq izdenýshi men jumys berýshi arasynda bailanys jasaý, tipti azamatty áńgimelesýge shaqyrý múmkindigi bolady.
EAEO múshe memleketterdiń ulttyq júielerinde «Shekarasyz jumys» birizdendirilgen izdeý júiesin 2020 jyldyń 4-shi toqsanynda iske qosý josparlanǵan.
