Eýraziialyq ekonomikalyq odaq (EAEO) elderi úshin qarjy piramidalarynyń biryńǵai «qara tizimi» ázirlenbek. Bul týraly Májilis depýtattarynyń saýalyna QR Qarjy naryǵyn retteý jáne damytý agenttiginiń tóraǵasy Mádina Ábilqasymovanyń jaýabynda aitylǵan, dep habarlaidy QazAqparat.
«2019 jylǵy 1 qazanda EAEO memleketteriniń basshylary EAEO-nyń ortaq qarjy naryǵyn qalyptastyrý tujyrymdamasyn qabyldaǵan bolatyn. Ol ortaq qarjy naryǵyn qalyptastyrýdyń negizgi maqsattaryn, mindetterin jáne negizgi baǵyttaryn aiqyndady. Tujyrymdamany iske asyrý aiasynda birqatar halyqaralyq kelisimdi ázirleý men qol qoiý kózdelgen. Kelisimder qarjy naryǵynyń zańnamasyn úilestirýge jáne tutynýshylardyń quqyqtaryn qorǵaýǵa baǵyttalǵan. Tujyrymdamanyń strategiialyq baǵyttarynyń biri investorlar men jalpy qarjy naryǵyndaǵy qarjylyq qyzmetterdi tutynýshylardyń quqyqtary men múddelerin qorǵaýdy qamtamasyz etý bolyp sanalady
Onyń atap ótýinshe, tujyrymdamanyń 7-tarmaǵynda jalpy qarjy naryǵynda investorlar men qarjylyq qyzmetterdi tutynýshylardyń quqyqtary men múddelerin qorǵaý aiasynda ulttyq retteýshilerdiń ókilettikteri sheńberinde qarjylyq alaiaqtyqtyń ártúrli nysandaryna jáne qarjy piramidalaryna qarsy is-qimyl boiynsha kelisilgen tásilderdi ázirleý kózdelgen. Tujyrymdamany iske asyrý EAEO keńesiniń №27 ókimimen bekitilgen Eýraziialyq ekonomikalyq odaqqa múshe memleketterdiń qarjy naryǵy salasyndaǵy zańnamasyn úilestirý jónindegi 2020 jylǵy 23 qarashadaǵy is-sharalar jospary aiasynda júzege asyrylady.
«Sonymen qatar, josparǵa sáikes tutynýshylardyń quqyqtaryn qorǵaý jónindegi máselelerde EAEO-ǵa múshe memleketterde 2022-2025 jyldar kezeńinde qarjylyq qyzmetterdi tutynýshylardyń quqyqtary men múddelerin qorǵaý boiynsha úilestirilgen talaptardy ázirleý kózdeledi. Qazirgi ýaqytta Eýraziialyq ekonomikalyq komissiia osy jylǵa arnalǵan jumys josparyn ázirleýde. Onyń aiasynda agenttik EAEO-ǵa múshe memleketter úshin biryńǵai «qara tizimdi» jáne oǵan josyqsyz qarjy uiymdary men qarjy piramidalarynyń belgileri bar uiymdardy engizýdiń biryńǵai ádistemesin jasaý máselesin engizýdi pysyqtaityn bolady», - dedi Mádina Ábilqasymova.
