Eýraziialyq ekonomikalyq odaq aiasynda tórelik sot qurý ideiasyna degen Qazaqstannyń ustanymy qandai? Ashyq úkimet portalynyń qoldanýshysy Saýda jáne integratsiia ministrligine osyndai saýal qoidy, dep habarlaidy QazAqparat.
Eýraziialyq ekonomikalyq odaq máseleleri týraly onlain-konferentsiiada qoiylǵan bul suraqqa Saýda jáne integratsiia vitse-ministri Janel Kýshýkova jaýap berdi.
«Búgingi tańda Eýraziialyq ekonomikalyq integratsiiany damytýdyń 2025 jylǵa deiingi strategiialyq baǵyttarynda sharýashylyq júrgizýshi sýbektilerdiń ótinishteri boiynsha daýlardy qaraý úshin EAEO sheńberinde halyqaralyq tórelik qurý týraly bastamany pysyqtaý jónindegi is-shara kózdelgen. Osy baǵytty iske asyrý sheńberinde taraptar osy máseleni tolyq zerdelep jáne tiisti baiandama daiyndaý kerektigi týraly kelisti. Aita ketý kerek, EAEO-ǵa múshe barlyq memleketterde ulttyq zańnamaǵa sáikes EAEO-ǵa múshe memleketterdiń saýda-ónerkásip palatalary janynan halyqaralyq kommertsiialyq tórelik sottar qurylǵan. Qazaqstanda «Atameken» ulttyq kásipkerler palatasynyń tórelik ortalyǵy jumys isteidi», - dedi ministrlik ókili.
Onyń aitýynsha, odaqtyń aldaǵy 5 jylǵa arnalǵan damý strategiiasynda ortaq tórelik sot qurý ideiasy naqty kórinis tapqanymen, onyń qanshalyqty oryndy usynys ekeni áli aiqyndalmaǵan.
«Taraptar quqyq qoldaný praktikasyna, onyń ishinde Eýraziialyq ekonomikalyq komissiiaǵa sharýashylyq júrgizýshi sýbektilerden túsetin ótinishterdi muqiiat taldap baryp, osydan keiin EAEO sheńberinde halyqaralyq tórelik qurýdyń oryndylyǵyn aiqyndaý kerek degen toqtamǵa keldi», - deidi vitse-ministr.
