ەۋرازييالىق ەكونوميكالىق وداق اياسىندا تٶرەلٸك سوت قۇرۋ يدەياسىنا دەگەن قازاقستاننىڭ ۇستانىمى قانداي? اشىق ٷكٸمەت پورتالىنىڭ قولدانۋشىسى ساۋدا جەنە ينتەگراتسييا مينيسترلٸگٸنە وسىنداي ساۋال قويدى, دەپ حابارلايدى قازاقپارات.
ەۋرازييالىق ەكونوميكالىق وداق مەسەلەلەرٸ تۋرالى ونلاين-كونفەرەنتسييادا قويىلعان بۇل سۇراققا ساۋدا جەنە ينتەگراتسييا ۆيتسە-مينيسترٸ جانەل كۋشۋكوۆا جاۋاپ بەردٸ.
«بٷگٸنگٸ تاڭدا ەۋرازييالىق ەكونوميكالىق ينتەگراتسييانى دامىتۋدىڭ 2025 جىلعا دەيٸنگٸ ستراتەگييالىق باعىتتارىندا شارۋاشىلىق جٷرگٸزۋشٸ سۋبەكتٸلەردٸڭ ٶتٸنٸشتەرٸ بويىنشا داۋلاردى قاراۋ ٷشٸن ەاەو شەڭبەرٸندە حالىقارالىق تٶرەلٸك قۇرۋ تۋرالى باستامانى پىسىقتاۋ جٶنٸندەگٸ ٸس-شارا كٶزدەلگەن. وسى باعىتتى ٸسكە اسىرۋ شەڭبەرٸندە تاراپتار وسى مەسەلەنٸ تولىق زەردەلەپ جەنە تيٸستٸ بايانداما دايىنداۋ كەرەكتٸگٸ تۋرالى كەلٸستٸ. ايتا كەتۋ كەرەك, ەاەو-عا مٷشە بارلىق مەملەكەتتەردە ۇلتتىق زاڭناماعا سەيكەس ەاەو-عا مٷشە مەملەكەتتەردٸڭ ساۋدا-ٶنەركەسٸپ پالاتالارى جانىنان حالىقارالىق كوممەرتسييالىق تٶرەلٸك سوتتار قۇرىلعان. قازاقستاندا «اتامەكەن» ۇلتتىق كەسٸپكەرلەر پالاتاسىنىڭ تٶرەلٸك ورتالىعى جۇمىس ٸستەيدٸ», - دەدٸ مينيسترلٸك ٶكٸلٸ.
ونىڭ ايتۋىنشا, وداقتىڭ الداعى 5 جىلعا ارنالعان دامۋ ستراتەگيياسىندا ورتاق تٶرەلٸك سوت قۇرۋ يدەياسى ناقتى كٶرٸنٸس تاپقانىمەن, ونىڭ قانشالىقتى ورىندى ۇسىنىس ەكەنٸ ەلٸ ايقىندالماعان.
«تاراپتار قۇقىق قولدانۋ پراكتيكاسىنا, ونىڭ ٸشٸندە ەۋرازييالىق ەكونوميكالىق كوميسسيياعا شارۋاشىلىق جٷرگٸزۋشٸ سۋبەكتٸلەردەن تٷسەتٸن ٶتٸنٸشتەردٸ مۇقييات تالداپ بارىپ, وسىدان كەيٸن ەاەو شەڭبەرٸندە حالىقارالىق تٶرەلٸك قۇرۋدىڭ ورىندىلىعىن ايقىنداۋ كەرەك دەگەن توقتامعا كەلدٸ», - دەيدٸ ۆيتسە-مينيستر.
