Dziýdodan Qazaqstan quramasy Tel-Avivte (Izrail) ótip jatqan álemdik Grand Slam dodasyn sátti bastady, dep habarlaidy "Ult aqparat".
Qazaqstan quramasy jarystyń alǵashqy kúninde eki medal utyp aldy. 60 kelige deiingi salmaq dárejesinde otandyq qos dziýdoshy jeńis tuǵyryna kóterildi. Atap aitqanda, Baýyrjan Narbaev jarystyń kúmis júldesine ie bolsa, Maǵjan Shamshadin qolany qanaǵat tutty.
Baýyrjan Narbaev finalǵa deiin qarsylas shaq keltirmei, tórt kezdesý ótkizdi. Al jarystyń finalynda ýkrainalyq Artem Lesiýkpen kezdesti. Ekeýara kezdesý ókinishke qarai, qarsylas enshisine sheshildi.
Aita keterligi, 66 kelide synǵa túsken Ǵusman Qyrǵyzbaev qola júlde úshin beldesýde Ýkraina sportshysy Bogdan Iadovqa ese jiberdi.
Dál osy salmaqta (66 kg) tatamige shyqqan Eldos Smetov ekinshi beldesýinde jeńilis tapty.
Tel-Avivte ótip jatqan bairaqty báseke 19 aqpanǵa deiin jalǵasady.
