دزيۋدودان قازاقستان قۇراماسى تەل-اۆيۆتە (يزرايل) ٶتٸپ جاتقان ەلەمدٸك Grand Slam دوداسىن سەتتٸ باستادى, دەپ حابارلايدى "ۇلت اقپارات".
قازاقستان قۇراماسى جارىستىڭ العاشقى كٷنٸندە ەكٸ مەدال ۇتىپ الدى. 60 كەلٸگە دەيٸنگٸ سالماق دەرەجەسٸندە وتاندىق قوس دزيۋدوشى جەڭٸس تۇعىرىنا كٶتەرٸلدٸ. اتاپ ايتقاندا, باۋىرجان نارباەۆ جارىستىڭ كٷمٸس جٷلدەسٸنە يە بولسا, ماعجان شامشادين قولانى قاناعات تۇتتى.
باۋىرجان نارباەۆ فينالعا دەيٸن قارسىلاس شاق كەلتٸرمەي, تٶرت كەزدەسۋ ٶتكٸزدٸ. ال جارىستىڭ فينالىندا ۋكراينالىق ارتەم لەسيۋكپەن كەزدەستٸ. ەكەۋارا كەزدەسۋ ٶكٸنٸشكە قاراي, قارسىلاس ەنشٸسٸنە شەشٸلدٸ.
ايتا كەتەرلٸگٸ, 66 كەلٸدە سىنعا تٷسكەن عۇسمان قىرعىزباەۆ قولا جٷلدە ٷشٸن بەلدەسۋدە ۋكراينا سپورتشىسى بوگدان يادوۆقا ەسە جٸبەردٸ.
دەل وسى سالماقتا (66 كگ) تاتاميگە شىققان ەلدوس سمەتوۆ ەكٸنشٸ بەلدەسۋٸندە جەڭٸلٸس تاپتى.
تەل-اۆيۆتە ٶتٸپ جاتقان بايراقتى بەسەكە 19 اقپانعا دەيٸن جالعاسادى.
