AQSh prezidentiniń dárigeri Kevin O'Konnor men onyń komandasy Aq úi basshysynda COVID-19 belgileri azaiyp bara jatqanyn aitty. Sondai-aq, ol Djo Baiden koronavirýstyń BA.5 nusqasymen aýyrǵan bolýy múmkin dep sanaidy, dep habarlaidy QazAqparat.
Jeke dárigerdiń sońǵy málimdemesine sáikes, prezident Djo Baidenniń COVID-19 belgileri «Pakslovid» preparatyn qabyldaǵannan keiin jaqsara bastaǵan.
«Qazir Djo Baidende tamaq aýrýy, tumaý, jótel men deneniń álsizdigi bar», - dedi O'Konnor senbidegi málimdemesinde.
Aldyn ala nátijeler Baidende virýstyń BA.5 jańa nusqasy bolýy múmkin ekenin kórsetedi. BA.5 virýsy qazirgi ýaqytta AQSh-taǵy jańa infektsiialardyń 80% quraidy.
Dárigerdiń aitýynsha, prezidenttiń tamyr soǵysy, qan qysymy, tynys alý jiiligi, ottegi deńgeii qalypty kúide.
Al Aq úidiń habarlaýynsha, AQSh prezidenti synaqtary teris nátije bermeiinshe, oqshaýlanyp jumys isteitin bolady.
