Tanymal akter Djeki Chan Siriiadan qutqarylǵan qazaqstandyqtar jaily filmdi kórip shyqty. Bul týraly prezidenttiń keńesshisi Erlan Qarin Instagram-da habarlady, dep jazady Sputnik.
"Djeki Chanmen onyń Qazaqstanda jańa filmin túsirý jumystaryn talqylai otyryp, biz osy jyldyń basynda qazaqstandyq balalardy Siriiadan qutqarý maqsatynda ótkizilgen "Jýsan" arnaiy operatsiiasy týraly filmdi birge kórdik. Operatsiia týraly aqparat jáne filmniń ózi Djekige qatty áser etti, óitkeni boevikterdiń keiipkeri bul máseleni búge-shigesine deiin biledi, - dep atap ótti Erlan Qarin.
Aita ketsek, "Jýsan" operatsiiasy aiasynda Siriiadan 47 azamat elge oralǵan edi. Olardyń deni, iaǵni 30-y – 1-5 jas aralyǵyndaǵy balalar. Osyǵan bailanysty prezident Nursultan Nazarbaev málimdeme jasady. Keiinnen depýtattar "Jýsan" operatsiiasy negizinde derekti, patriottyq tárbiedegi kórkem film túsirýdi usyndy.
Aita keteiik, 28 sáýirde Nursultan Nazarbaev Qytaida Djeki Chanmen kezdesti. Akter aldaǵy shyǵarmashylyq jospary jáne kinoindýstriia salasyndaǵy birlesken jobalardy júzege asyrý joldary týraly oi bólisti.
