Úkimet kýlýarynda BAQ ókilderi premer-ministrdiń orynbasary Tamara Dúisenovadan úkimettiń otstavkaǵa ketý sebebin surady – Dúisenova buǵan Álihan Smaiylov bastama kótergenin aitty. Bul týraly "Ult aqparat" KAZ.NUR.KZ saityna silteme jasap habarlaidy.
"Burynǵy premer-ministr Álihan Smaiylov óz usynysyn jariialady (otstavkaǵa ketý týraly - red. eskertpesi), usynysqa jaýap berildi. Buǵan qatysty jaýapty aldyńyz", - dedi Tamara Dúisenova.
Premer-ministrdiń orynbasary Dúisenovaǵa ministrler men premer-ministrdiń orynbasarlarynyń barlyǵy derlik óz ornyn saqtap qalatyn bolsa, ministrler kabinetin taratý nelikten qajet bolǵany jóninde suraq qoiyldy.
"Bul suraq maǵan qoiylatyn suraq emes shyǵar. Ózderińiz estigen baǵa bar – biz keibir jerde oryndai aldyq, keibir jerde oryndai almadyq. Sosyn ekonomikany jańǵyrtý, dinamika turǵysynan óte úlken mindet tur. Memleket basshysy jańa serpin berý qajet dep sheshti", - dep jaýap berdi premer-ministrdiń orynbasary.
Eske sala keteiik, dúisenbide Qazaqstan úkimeti otstavkaǵa ketti. Keshe premer-ministr Oljas Bektenov basqaratyn jańa ministrler kabineti jasaqtaldy. Qazaqstannyń jańa úkimetinde 26 adamnyń 21-i "eski qurammen" qaldy. Al premer-ministr men tórt ministr jańadan taǵaiyndaldy.
