ٷكٸمەت كۋلۋارىندا باق ٶكٸلدەرٸ پرەمەر-مينيستردٸڭ ورىنباسارى تامارا دٷيسەنوۆادان ٷكٸمەتتٸڭ وتستاۆكاعا كەتۋ سەبەبٸن سۇرادى – دٷيسەنوۆا بۇعان ەليحان سمايىلوۆ باستاما كٶتەرگەنٸن ايتتى. بۇل تۋرالى "ۇلت اقپارات" KAZ.NUR.KZ سايتىنا سٸلتەمە جاساپ حابارلايدى.
"بۇرىنعى پرەمەر-مينيستر ەليحان سمايىلوۆ ٶز ۇسىنىسىن جارييالادى (وتستاۆكاعا كەتۋ تۋرالى - رەد. ەسكەرتپەسٸ), ۇسىنىسقا جاۋاپ بەرٸلدٸ. بۇعان قاتىستى جاۋاپتى الدىڭىز", - دەدٸ تامارا دٷيسەنوۆا.
پرەمەر-مينيستردٸڭ ورىنباسارى دٷيسەنوۆاعا مينيسترلەر مەن پرەمەر-مينيستردٸڭ ورىنباسارلارىنىڭ بارلىعى دەرلٸك ٶز ورنىن ساقتاپ قالاتىن بولسا, مينيسترلەر كابينەتٸن تاراتۋ نەلٸكتەن قاجەت بولعانى جٶنٸندە سۇراق قويىلدى.
"بۇل سۇراق ماعان قويىلاتىن سۇراق ەمەس شىعار. ٶزدەرٸڭٸز ەستٸگەن باعا بار – بٸز كەيبٸر جەردە ورىنداي الدىق, كەيبٸر جەردە ورىنداي المادىق. سوسىن ەكونوميكانى جاڭعىرتۋ, ديناميكا تۇرعىسىنان ٶتە ٷلكەن مٸندەت تۇر. مەملەكەت باسشىسى جاڭا سەرپٸن بەرۋ قاجەت دەپ شەشتٸ", - دەپ جاۋاپ بەردٸ پرەمەر-مينيستردٸڭ ورىنباسارى.
ەسكە سالا كەتەيٸك, دٷيسەنبٸدە قازاقستان ٷكٸمەتٸ وتستاۆكاعا كەتتٸ. كەشە پرەمەر-مينيستر ولجاس بەكتەنوۆ باسقاراتىن جاڭا مينيسترلەر كابينەتٸ جاساقتالدى. قازاقستاننىڭ جاڭا ٷكٸمەتٸندە 26 ادامنىڭ 21-ٸ "ەسكٸ قۇراممەن" قالدى. ال پرەمەر-مينيستر مەن تٶرت مينيستر جاڭادان تاعايىندالدى.
