Qazgidromet 29 qarashaǵa aýa raiy boljamyn usyndy, dep habarlaidy "Ult aqparat".
"Aýqymdy antitsiklon yqpalynyń áserinen áli de respýblikanyń basym bóliginde jaýyn-shashynsyz aýa raiy kútiledi, tek respýblikanyń qiyr batysynda tsiklon jyrasynyń áserinen jańbyr men qar túrindegi azdaǵan jaýyn-shashyn men kóktaiǵaqpen bolady", - dep habarlady sinoptikter.
Sonymen qatar respýblika boiynsha tuman túsip, ekpindi jel soǵady dep boljanyp otyr.
Jambyl oblysynyń taýly jáne taý bókterindegi aýdandarynda tuman kútiledi, soltústik-shyǵysynda jáne taýly aýdandarynda jeldiń ekpini túnde 23-28 m/s-ke deiin kúsheiedi.
Almaty oblysynyń Alakól kóli aýdanynda jeldiń ekpini 28 m/s bolady.
Shyǵys Qazaqstan oblysynyń Jarma aýdanynda jeldiń kúshi 15-20 m/s-ke deiin jetedi.
Batys Qazaqstan oblysynyń soltústik-batysynda, soltústiginde kóktaiǵaq, soltústiginde tuman bolady.
Túrkistan oblysynyń ońtústiginde, Mańǵystaý, Qostanai oblystarynyń soltústiginde, Atyraý oblysynyń batysy men ortalyǵynda tuman túsedi.
