«Orta Aziialyq elektr energetikalyq korporatsiiasy» AQ bas direktorynyń birinshi orynbasary Dúisenbai Turǵanov elimizde elektr energiiasynyń qymbattaýyna qatysty pikirin bildirdi, dep habarlaidy QazAqparat.
«Elektr energiiasyn óndirýshi kompaniialardyń barlyq shyǵystary shyǵyndy bolyp keledi. Shyǵystary kiristen áldeqaida kóp. Eń aldymen, bul otyn baǵasynyń artýyna, otyndy tasymaldaýǵa bailanysty. Ekinshiden, úsh jyldan beri elektr energiiasynyń tarifi kóterilgen joq. Ótken jyldyń qazanynda tarif azdap, ortasha eseppen 8 paiyzǵa artqan edi. Alaida, ol qural-jabdyqtardy sapaly daiyndaý, olardyń tozýyn azaitý úshin aitarlyqtai áser bere almady. Iaǵni, tariftiń bul kóterilýi elektr stansalarynyń negizgi qural-jabdyqtarynyń tehnikalyq jaǵdaiyna áser etpedi», - dedi ol.
Onyń atap ótýinshe, kez kelgen máselede der ýaqytynda tiimdi sharalar qabyldaý qajet.
«Qazirgi ýaqytta kúz-qysqy maýsymǵa daiyndyq júrgizip jatyrmyz. Koronavirýs infektsiiasynan týyndaǵan problemalarǵa bailanysty stansa qural-jabdyqtaryn kúzgi-qysqy merzimge daiyndap úlgermeimiz. Al sonyń saldarynan elektr energiiasymen qamtýda irkilester oryn alyp, jetpei qalýy da múmkin. Jyldan jylǵa jańartýǵa, jańǵyrtýǵa jáne jóndeýge qarjy salýymyz qajet. Al ol tarif esebinen ǵana múmkin bolmaq. Tarifti kótermesek, qazirgi shyǵyndardyń ǵana ornyn jaýyp otyra bersek, onda elektr energiiasy salasynyń qural-jabdyqtary isten shyǵýy múmkin. Sol kezde barlyǵy jaryqtyń, internettiń, jylýdyń joq ekendigin anyq sezinip, kollaps oryn alady», - dedi Dúisenbai Turǵanov.
Sonymen qatar ol elektr energiiasy salasyndaǵy tehnikalar men qural-jabdyqtar máńgilik emestigin, olardy jańartyp ári jóndep otyrý qajettigin basa aitty.
«Úkimet 2020 jyldyń sońyna deiin ekonomikalyq ósim jónindegi keshendi jospardy qabyldady. Bul keshendi josparǵa elektr energetikasy salasy kirmei qalyp otyr. Energetika salasynda eshqandai qoldaý sharasy joq. Sondyqtan da tarifti osylai kóterýge májbúr shyǵar. Eger jeńildikpen nesie berip, salyqtyq artyqshylyq usynǵanda, árine, tarifti kótermeýge de bolar ma edi... Jaryq janyp tursa, biz ony máńgiliktei kóremiz. Alaida ol máńgilik emes qoi. Bul salaǵa jumyldyrylǵan barlyq tehnika men qural-jabdyqtar da máńgilik emes. Olar da jańartýdy jáne jóndeýdi qajet etedi», - dedi Dúisenbai Turǵanov.
