Búkil álemdegi eriktiler kezekti ret Dúniejúzilik tazalyq kúnin atap ótti. Bul ekologiialyq aktsiiany halyqaralyq «Let’s Do It! World» qozǵalysy uiymdastyryp, jyl saiyn qyrkúiektiń úshinshi senbisinde ótkizip turady.
«Dúniejúzilik tazalyq kúni» aktsiiasynyń maqsaty – azamattardyń ekologiialyq mádenietin arttyrý. Jyl saiyn osy mańyzdy sharaǵa qoǵam, memlekettik organdar men biznes qurylymdar belsene qatysady. Mysaly, Qazaqstanda «Filip Morris Qazaqstan» kompaniiasynyń 55 qyzmetkeri jáne olardyń otbasylary bul sharaǵa qosylyp, Áýejai kólinen 583 kg-nan astam qoqys jinady.
«Áýejai kóli almatylyqtar úshin qalanyń kórneki jeri men demalys aimaǵy retinde ǵana emes, bioártúrlilikti saqtaý úshin mańyzdy oryn retinde de baǵaly. Munda qamys óskinderi men kóptegen qus pen janýar mekendeidi. Bizdiń mindetimiz – osy oryndy bastapqy qalpynda saqtap, onyń tazalyǵyn qamtamasyz etý. Ekologiialyq máselelerdi sheshý úshin barlyq taraptardyń, sonyń ishinde turaqty damýdyń mańyzdy maqsattarynyń biri —qorshaǵan ortany qorǵaýda óz rólin túsine bastaǵan biznestiń de kúsh-jigerin biriktirý asa mańyzdy. «Filip Morris Qazaqstan» kompaniiasy óndiristik protsesterde de, olardyń sheńberinen tys ta tabiǵatty qorǵaýǵa erekshe kóńil bóledi. Qazaqstandaǵy halyqaralyq AWS (Alliance for Water Stewardship) standartynyń talaptaryna sáikes sertifikattalǵan jalǵyz kompaniia retinde «Filip Morris Qazaqstan» sý resýrstaryn qorǵaý jumysyna úlken nazar aýdarady. Biz biznesimizdiń qorshaǵan ortaǵa, onyń ishinde klimattyq ózgerister men sý resýrstarynyń tapshylyǵyna áserin muqiiat zerttep, beiimdeý úshin jumys istep kelemiz», – dep atap ótti FMK-nyń turaqty damý menedjeri Indira Baiǵarina.
«Filip Morris Qazaqstan» Dúniejúzilik tazalyq kúnine arnalǵan aýqymdy aktsiialarǵa birneshe jyl boiy qatysyp keledi. Máselen, ótken jyly Almatyda kompaniianyń 70-ten astam qyzmetkeri óz otbasylarymen birge Áýejai kólinen 694 kg qoqys jinady.
Al 2019 jyly kompaniianyń shamamen 100 qyzmetkeri halyqaralyq ekoaktsiiaǵa qatysyp, Býtakov shatqalyn tazalaý jumystaryn uiymdastyrdy. Kompaniia qyzmetkerleri 30 tian-shan shyrshasyn otyrǵyzdy.
Jyl saiyn Dúniejúzilik tazalyq kúnine qatysýmen qatar, «Filip Morris Qazaqstan» taǵy bir mańyzdy áleýmettik-ekologiialyq joba – StopMusor baǵdarlamasyn qoldaidy. Bul bastamany Qazaqstannyń Ekologiialyq uiymdar qaýymdastyǵy FMK-men seriktestikte júzege asyryp keledi. Tórt jyl ishinde StopMusor uiymdastyrýshylary men eriktileri 100-ge jýyq ártúrli sharalar, senbilikter men baiqaýlar ótkizdi. Jobanyń aiasynda mobildi qosymsha men stopmusor.kz arnaiy saity jumys isteidi. Árbir turǵyn osy platforma arqyly óz qalasyndaǵy ruqsatsyz tógilgen qoqystar nemese basqa ekologiialyq máseleler boiynsha shaǵym túsire alady. Barlyq ótinish Qaýymdastyqqa jiberilip, máseleni sheshý úshin tiisti organdarǵa jiberiledi. Mysaly, 2023 jyly zańsyz tastalǵan qoqystar, sýdyń lastanýy jáne qurylys qaldyqtary siiaqty máselelerge qatysty shamamen 430 shaǵym qabyldandy.
«Filip Morris Qazaqstan» óndiristiń barlyq kezeńinde qorshaǵan ortaǵa áserdi azaitýǵa umtylady. Kompaniia keńse ǵimaratyna intellektýaldy jaryqtandyrý júiesin ornatyp, óndiristik jabdyqtardy jańartty, sýdy jylytýǵa arnalǵan kún panelderin jáne energiia únemdeitin quraldardy engizdi. Bul sharalar parnik gazdar shyǵaryndylaryn aitarlyqtai tómendetýge ákeldi. Sońǵy 10 jylda óndiris qyzmetiniń kómirtek shyǵaryndylary eki ese azaidy. Zaýyttaǵy qaldyqtardyń shamamen 91%-y qaita óńdeýge jiberiledi.
2019 jyly FMK ekologiiaǵa qosqan úlesi úshin «Ekologiiaǵa qosqan úlesi úshin» nominatsiiasynda «Paryz» memlekettik syilyǵyn ielendi. Al 2020 jyly kompaniia ulttyq «Jasyl keńse» baiqaýynda jeńimpazdardyń biri boldy.
