«Úndistanda anyqtalǵan COVID-19-dyń jańa nusqasy Delta virýs álem boiynsha tez taralyp, virýstyń basym nusqasyna ainalýda. Bul týraly Dúniejúzilik densaýlyq saqtaý uiymynyń aǵa ǵylymi qyzmetkeri Sýmia Svaminatan aitty, dep habarlaidy "Ult aqparat" cnbc saityna silteme jasap
«Bul nusqa basqalaryna qaraǵanda tez juǵady, sol sebepti tez taralyp otyr», dep málim etti Sýmia Svaminatan DDSU-nyń Jenevadaǵy shtab-páterinde ótken baspasóz máslihatynda.
Zertteýler Delta nusqasynyń Ulybritaniiada anyqtalǵan Alfa nusqasyna qaraǵanda 60%-ǵa juqpaly ekenin kórsetti. Al ol 2019 jyldyń aiaǵynda qytailyq Ýhanda paida bolǵan birinshi shtamǵa qaraǵanda juqpalyraq bolǵan.
Sársenbi kúni DDSU COVID-19-dyń koronavirýs infektsiiasynyń bul nusqasy álemniń 80-nen astam eline tarap, mýtatsiialanyp otyrǵanyn habarlady. Aýrýlardy aldyn alý jáne baqylaý ortalyǵynyń dereginshe, ol qazirgi kezde AQSh-ta anyqtalyp jatqan juqtyrý oqiǵalarynyń 10%-yn quraidy, ótken aptada bul kórsetkish 6% bolǵan.
Sýmia Svaminatannyń aitýynsha, ǵalymdarǵa virýstyń bul nusqasy týraly, sonymen qatar oǵan vaktsinalardyń áser etýi týraly kóbirek derek qajet.
CureVac nemis kompaniiasy apta basynda óziniń koronavirýsqa qarsy vaktsinasyn klinakalyq synaqtan ótkizgen. 40 000 adam qatysqan synaq nátijesinde vaktsina 47% ǵana tiimdilik kórsetti. Onyń sebebin kompaniia jańa shtamdardyń paida bolýy dep sanaidy.
Angliianyń Qoǵamdyq densaýlyq saqtaý qyzmeti dúisenbi kúni jariialaǵan taldaý nátijelerine sáikes, Pfizer-BioNTech nemese AstraZeneca vaktsinalarynyń eki dozasy Delta shtamyna qarsy joǵary tiimdiligin kórsetken.
