Resei memlekettik dýmasy el prezidenti Vladimir Pýtinge 2024 jylǵy sailaýǵa túsýge múmkindik beretin Konstitýtsiiaǵa ózgeristi maquldady.
67 jastaǵy Pýtin ekinshi merzim qatarynan Resei prezidenti bolyp otyr. Qazirgi Konstitýtsiiaǵa sai, ol ekinshi merzimi aiaqtalǵan soń, 2024 jyly úshinshi ret prezident sailaýyna túse almaidy.
Dýmadaǵy daýys berýge deiin Pýtin «eger Konstitýtsiialyq keńes osyǵan deiingi eki prezidenttik merzimin joiýdy quptasa, ózi de kelisetinin» aitqan.
Pýtinniń «eki merzimin esepten shyǵaryp, oǵan qaita múmkindik berýdi» biliktegi «Edinaia Rossiia» partiiasynyń múshesi, Memlekettik dýma depýtaty Valentina Tereshkova usynǵan.
- Anyǵynda, másele oǵan [Pýtinge] emes, bizge, Resei azamattary men onyń bolashaǵyna bailanysty. Eger solai bolsa ainalsoqtaýdyń, aqylgóisýdiń, qurastyrmaly qorshaý jasaýdyń qajeti ne? Bárin ádil, ashyq ári el aldynda qaraý kerek. Qazirgi ahýal talap etip tursa, Konstitýtsiiadaǵy prezident merzimine bailanysty shekteýdi alyp tastaý kerek ne halyq qalasa jańarǵan Konstitýtsiiaǵa qazirgi prezidenttiń osy qyzmetke qaita sailanýyna múmkindik beretin ózgeris engizý kerek, - dedi ol.
