Elde veip satýǵa zańdy túrde tyiym salynǵanyna jarty jylǵa jýyq ýaqyt boldy. Alaida úirenshikti áreketin jalǵastyryp júrgender kóp. Ákki satýshylar qazir ǵalamtorǵa kóship, óz ónimderin onlain satady, dep habarlaidy Ult.kz, 24.kzke silteme jasap.
foto: culture.ru
Jaza kúsheise de, zańbuzýshylyqtyń tamyryna balta shabý qiynǵa soǵyp tur. Tiisti zań kúshine ense de, veipti emin-erkin satyp otyrǵandar bar. Máselen, Abai oblysynda kúnine jarty million paida ákeletin jerasty dúken anyqtaldy. Jedel top aldymen kýrerdi ustady. 20 jastaǵy Semei turǵynynyń kóligin tekserý kezinde 98 veip tabylǵan.
Sonymen qatar politsiia dúken iesiniń úiinde tintý júrgizip, taǵy 258 zańsyz taýardy tárkiledi. Endi kúdiktiler 5 jylǵa deiin bas bostandyǵynan aiyrylýy múmkin.
Azamat Qurymbaev, QR IIM Ákimshilik politsiia komiteti basqarma bastyǵynyń orynbasary:
“Internet resýrstary arqyly ondai da satý oryn alyp jatyr. Politsiia qyzmetkerleri anyqtap jatyr. Qai jerde, kim satyp jatyr, qalai satyp jatyr degen siiaqty. Sonyń bárin anyqtap, tergeý amaldary aiasynda adamdardy jaýapkershilikke tartyp jatyr”.
Veipti satýǵa zańdy túrde tyiym salynsa da, úirenshikti áreketin jalǵastyryp júrgender Májilis depýtattaryn da alańdatyp otyr.
Nurgúl Taýdyń aitýynsha, zańsyz taýarlar dúken sórelerinde balalar oiynshyǵy keipinde de satylatyn kórinedi.
Eske sala keteiik, veipti satqan jáne tutynǵan tulǵalar 200 ailyq eseptik kórsetkish kóleminde aiyppul arqalaidy. Ony tólei almaǵan jaǵdaida 200 saǵatqa qoǵamdyq jumysqa tartylady nemese 50 táýlikke qamalady.
Al veipti elge ákelip, óndirgenderge jaza tipten qiyn. 2 myń ailyq eseptik kórsetkish mólsherinde aiyppul tóleýge mindetteledi nemese qoǵamdyq jumysqa tartylatyn ýaqyty 600 saǵatqa deiin uzartylady. Odan bas tartsa, 2 jylǵa bas bostandyǵynan aiyrylady.
