Sýret: Aqorda
Prezident úkimetke elimizdiń týristik aimaqtaryn damytý týraly tapsyrma berdi, dep habarlaidy "Ult aqparat".
Prezident týristik aimaqtardy injenerlik infraqurylymmen qamtamasyz etý isinde de túitkilder kóp ekenine toqtaldy.
"Týristik bazalarda energiia qýatynyń ózi jetispeidi. Sol sebepti demalýshylar kóbine jaryqsyz qalady. Sonyń saldarynan adamdarǵa qater tónedi. Sondai-aq órt shyǵý qaýpi bar, turmystyq tehnika jaramsyz bolyp qalady. Kásipkerler quraldardyń isten shyǵýyna jáne azyq-túliktiń buzylýyna bailanysty zor shyǵynǵa batady. Úkimet ákimdiktermen birlesip, kýrort aimaqtaryn injenerlik infraqurylymmen qamtamasyz etý isine tekserý júrgizýge tiis. Týristik oryndardy injenerlik infraqurylymmen, sonyń ishinde elektr energiiasymen, káriz júiesimen, tazartý qurylǵylarymen, aýyzsýmen jáne kireberis joldarmen qamtamasyz etý úshin arnaiy biýdjettik baǵdarlama qajet", – dedi prezident.
Qasym-Jomart Toqaev úkimettiń barlyq óńirde bir mezette 20 týristik aimaqty damytý josparyn synǵa alyp, mundai tásil tiimsiz ekenin, memlekettiń shekteýli resýrsyn zaia ketiretinin aitty.
"Almaty óńiriniń taý klasteri, Mańǵystaý jaǵajai týrizmi jáne Shýche-Býrabai kýrorttyq aimaǵy eń qolaily baǵyttar sanalady. Almaty – Qazaqstan týrizmin damytýdyń basty ortalyǵy. Jalpy týrister leginiń tórtten biri, sonyń ishinde sheteldik týristerdiń jartysy osy qalaǵa tiesili. Biraq qalanyń týristik infraqurylymy jyldan-jylǵa artyp kele jatqan nópirge tótep bere almaidy. Demalys jáne mereke kúnderi Shymbulaqqa kelýshiler sany onyń ótkizý múmkindiginen 2,5 ese asyp ketedi. Sondyqtan taý shańǵysy klasterin, onyń ishinde Almaty oblysyndaǵy Túrgen shatqalynda jyl boiy jumys isteitin taý kýrortyn salý arqyly odan ári damytý óte mańyzdy", – dedi memleket basshysy.
Prezident úkimetke Mańǵystaý oblysynyń ákimdigimen birge Kaspii jaǵalaýyndaǵy týrizm infraqurylymynyń sapasyn arttyrý úshin qonaq úi jáne meimanhana biznesiniń álemdik brendteri men franshizalaryn tartýmen belsendi ainalysýdy, jaǵalaýdaǵy kýrorttyq aimaqtardy damytý jónindegi Dýbai men Baký qalalarynyń tájiribesin eskere otyryp, Aqtaý qalasynyń bas josparyn qaita qaraýdy, Aqtaýǵa Almatydan, Aqtóbeden, Shymkentten jáne Atyraýdan qatynaityn áýe reisteriniń sanyn arttyrýdy, "Jyly jaǵajai" aýmaǵyndaǵy jobalardy jyl sońyna deiin aiaqtaýdy, sondai-aq Kendirli demalys aimaǵyn damytý isin jedeldetýdi tapsyrdy.
Memleket basshysy sózin qorytyndylai kele, ekologiia máselesine arnaiy toqtaldy. Prezidenttiń aitýynsha, týrizmdi damytamyz dep tabiǵatqa ziian keltirýge bolmaidy.
"Qoǵamda ekologiialyq mádeniet qalyptasyp keledi. Biraq ótkir máseleler de az emes. Ókinishke qarai, ózen-kóldiń jaǵasyn, orman ishin qoqysqa toltyratyndar áli de azaimai tur. Tazalyqty saqtaý úshin arnaiy ekologiialyq sharalar ótkizýge májbúrmiz. Kez kelgen azamat tabiǵatta emin-erkin demalýy úshin barlyq jaǵdai jasalýy qajet. Týrist qai jerge turaqtap, qai jerde ot jaǵýǵa ruqsat etilgenin bilýi kerek. Sondyqtan demalys oryndarynda osyndai laiyqty infraqurylym bolýy qajet. Bul máselemen ákimdikter ainalysýǵa tiis", – dedi Qasym-Jomart Toqaev.
