QR Densaýlyq saqtaý ministrligi Densaýlyq kórsetkishteri jáne baǵalaý institýtynyń (ihme, AQSh) «COVID-19 jalpy ólim-jitimin baǵalaý» atty jariialanǵan zertteýindegi aqparatqa túzetý jasady, dep habarlaidy "Ult aqparat" atalǵan vedomstvonyń baspasóz qyzmetine silteme jasap.
«QR Strategiialyq josparlaý jáne reformalar jónindegi agenttiginiń statistika biýrosynyń derekterine sáikes, 2020 jyldyń qorytyndysy boiynsha koronavirýstyq infektsiiadan qaitys bolǵandar sany 4 729 adamdy qurady. 2021 jyldyń 4 aiynda KVI-den qaitys bolǵandar sany 1 846 adamdy qurady. Osylaisha, pandemiia bastalǵannan beri Qazaqstanda KVI-den 81 696 adam emes, 6 575 adam qaitys boldy. Densaýlyq kórsetkishteri jáne baǵalaý institýtynyń (ihme, AQSh) kórsetkishteriniń durys emestigi aiqyndaldy» delingen habarlamada.
Sonymen qatar, Ulttyq statistika biýrosynyń aldyn ala derekteri boiynsha 2020 jyly qaitys bolǵandardyń sany 2019 jylmen salystyrǵanda 21,8% nemese 29 124 adamǵa artyp, 133 489 adamǵa qaraǵanda 162 613 adamdy qurady. Osylaisha, artyq ólim-jitim 29 124 adamdy qurady, bul institýttyń málimdelgen kórsetkishterin de joqqa shyǵarady.
Aita keteiik, KVI – 4 729 adam nemese 16,2%-dy qospaǵanda, adamdar basqa da ólimnen qaitys bolyp jatty: qan ainalymy júiesiniń aýrýlary, tynys alý organdarynyń aýrýlary, júike júiesiniń aýrýlary, juqpaly jáne parazittik aýrýlar.
«Joǵaryda baiandalǵannyń negizinde «COVID-19-dan jalpy ólimdi baǵalaý» densaýlyq kórsetkishteri jáne baǵalaý institýtynyń (ihme, AQSh) júrgizgen zertteýlerine sáikes jariialanǵan statistikalyq derekter Qazaqstan Respýblikasynda tirkelgen naqty derekterge sáikes kelmeitinin habarlaimyz» dep túiindelgen QR DSM habarlamasy.
