قر دەنساۋلىق ساقتاۋ مينيسترلٸگٸ دەنساۋلىق كٶرسەتكٸشتەرٸ جەنە باعالاۋ ينستيتۋتىنىڭ (ihme, اقش) «COVID-19 جالپى ٶلٸم-جٸتٸمٸن باعالاۋ» اتتى جارييالانعان زەرتتەۋٸندەگٸ اقپاراتقا تٷزەتۋ جاسادى, دەپ حابارلايدى "ۇلت اقپارات" اتالعان ۆەدومستۆونىڭ باسپاسٶز قىزمەتٸنە سٸلتەمە جاساپ.
«قر ستراتەگييالىق جوسپارلاۋ جەنە رەفورمالار جٶنٸندەگٸ اگەنتتٸگٸنٸڭ ستاتيستيكا بيۋروسىنىڭ دەرەكتەرٸنە سەيكەس, 2020 جىلدىڭ قورىتىندىسى بويىنشا كوروناۆيرۋستىق ينفەكتسييادان قايتىس بولعاندار سانى 4 729 ادامدى قۇرادى. 2021 جىلدىڭ 4 ايىندا كۆي-دەن قايتىس بولعاندار سانى 1 846 ادامدى قۇرادى. وسىلايشا, پاندەمييا باستالعاننان بەرٸ قازاقستاندا كۆي-دەن 81 696 ادام ەمەس, 6 575 ادام قايتىس بولدى. دەنساۋلىق كٶرسەتكٸشتەرٸ جەنە باعالاۋ ينستيتۋتىنىڭ (ihme, اقش) كٶرسەتكٸشتەرٸنٸڭ دۇرىس ەمەستٸگٸ ايقىندالدى» دەلٸنگەن حابارلامادا.
سونىمەن قاتار, ۇلتتىق ستاتيستيكا بيۋروسىنىڭ الدىن الا دەرەكتەرٸ بويىنشا 2020 جىلى قايتىس بولعانداردىڭ سانى 2019 جىلمەن سالىستىرعاندا 21,8% نەمەسە 29 124 ادامعا ارتىپ, 133 489 ادامعا قاراعاندا 162 613 ادامدى قۇرادى. وسىلايشا, ارتىق ٶلٸم-جٸتٸم 29 124 ادامدى قۇرادى, بۇل ينستيتۋتتىڭ مەلٸمدەلگەن كٶرسەتكٸشتەرٸن دە جوققا شىعارادى.
ايتا كەتەيٸك, كۆي – 4 729 ادام نەمەسە 16,2%-دى قوسپاعاندا, ادامدار باسقا دا ٶلٸمنەن قايتىس بولىپ جاتتى: قان اينالىمى جٷيەسٸنٸڭ اۋرۋلارى, تىنىس الۋ ورگاندارىنىڭ اۋرۋلارى, جٷيكە جٷيەسٸنٸڭ اۋرۋلارى, جۇقپالى جەنە پارازيتتٸك اۋرۋلار.
«جوعارىدا باياندالعاننىڭ نەگٸزٸندە «COVID-19-دان جالپى ٶلٸمدٸ باعالاۋ» دەنساۋلىق كٶرسەتكٸشتەرٸ جەنە باعالاۋ ينستيتۋتىنىڭ (ihme, اقش) جٷرگٸزگەن زەرتتەۋلەرٸنە سەيكەس جارييالانعان ستاتيستيكالىق دەرەكتەر قازاقستان رەسپۋبليكاسىندا تٸركەلگەن ناقتى دەرەكتەرگە سەيكەس كەلمەيتٸنٸن حابارلايمىز» دەپ تٷيٸندەلگەن قر دسم حابارلاماسى.
