Almaty oblysynda «Meniń tańdaýym — zań jáne qarjylyq qaýipsizdik» atty profilaktikalyq forým ótti. Is-sharaǵa 500-den astam oqýshy qatysyp, quqyq buzýshylyqtyń aldyn alý, qarjylyq saýattylyqty arttyrý jáne jastar arasyndaǵy zamanaýi qaýipterdi talqylady, dep habarlaidy ult.kz.
Forýmdy Almaty oblysy boiynsha Ekonomikalyq tergeý departamenti uiymdastyrdy. Is-sharanyń negizgi maqsaty — jastar arasynda zań talaptaryn saqtaý mádenietin qalyptastyrý, qarjylyq qaýipsizdik týraly túsinikti keńeitý jáne jaýapty sheshim qabyldaýǵa baǵyttaý.
Is-shara barysynda oqýshylar qarjylyq saýattylyq pen quqyq buzýshylyqtardyń aldyn alýǵa arnalǵan óz jobalaryn tanystyrdy. Sonymen qatar qatysýshylar toǵyzqumalaq oinap, ulttyq oiyn arqyly logikalyq oilaý qabiletterin damytýǵa múmkindik aldy.
Forýmda jasóspirimder úshin ózekti birneshe másele kóterildi. Atap aitqanda, mamandar dropperlik, lýdomaniia jáne veipterdiń taralýy siiaqty qaýipter týraly aqparat berdi. Oqýshylarǵa qarjylyq operatsiialarǵa qatysýda saq bolý, kúmándi usynystardan bas tartý jáne zań talaptaryn saqtaý qajettigi túsindirildi.
Forýmnyń qorytyndy bóliminde zańsyz oiyn avtomattarynyń, dropperlik kartalar men veipterdiń maketterin joiýǵa arnalǵan simvolikalyq aktsiia uiymdastyryldy. Aktsiia arqyly qatysýshylar zańsyz áreketter men ziiandy ádetterden bas tartýdyń mańyzyn kórsetti.
Uiymdastyrýshylardyń aitýynsha, mundai profilaktikalyq is-sharalar jastardyń quqyqtyq jáne qarjylyq saýattylyǵyn arttyrýǵa, sondai-aq zamanaýi qaýipterdiń aldyn alýǵa baǵyttalǵan.
Forýmnyń negizgi ideiasy - ár adamnyń óz tańdaýyna jaýapkershilikpen qaraýy. Zańdy saqtaý, qarjylyq qaýipsizdikti qamtamasyz etý jáne ziiandy ádetterden aýlaq bolý, jastardyń qaýipsiz ári jaýapty bolashaǵyn qalyptastyrý.
