Aqtóbede eki dos janjaldasyp, biri ekinshisin montirovkamen uryp, óltirip aldy, dep habarlaidy QazAqparat.
Aqtóbelik ulynyń joǵalyp ketkenin aityp, politsiiadan kómek suraǵan. Jedel izdestirý sharalary barysynda politsiia qyzmetkerleri jábirlenýshi men dosynyń arasynda janjal bolǵanyn anyqtady.
«Janjal kezinde 25 jastaǵy jigitti dosy montirovkamen uryp, avtokóligine tiep, ózen jaǵasyna aparyp tastaǵan. Atalǵan derek boiynsha QR Qylmystyq kodekstiń «Adam óltirý» baby boiynsha sotqa deiingi tergep-tekserý amaldary júrgizilip jatyr. Kúdikti QR QPK-niń 128-babyna sáikes ustalyp, ýaqytsha ustaý izoliatoryna qamaldy», - dedi oblystyq PD baspasóz qyzmetiniń jetekshisi Erbolat Sarqulov.
Aita keteiik, Aqtóbe politsiiasy buǵan deiin aqsha bopsalap keldi degen kúdikpen eki adamdy ustady. Olardy tintý kezinde 400 myń teńge tárkilendi. Buǵan deiin olar 1,7 mln teńgesinen aiyrylsa, keiin qaskóiler taǵy 1,5 mln teńge talap etken. Qylmystyq kodekstiń «Qorqytyp alý» baby boiynsha sotqa deiingi tergeý amaldary júrgizilip jatyr. Kúdiktilerge «qamaýǵa alý» bultarpaý sharasy qoldanyldy.
