اقتٶبەدە ەكٸ دوس جانجالداسىپ, بٸرٸ ەكٸنشٸسٸن مونتيروۆكامەن ۇرىپ, ٶلتٸرٸپ الدى, دەپ حابارلايدى قازاقپارات.
اقتٶبەلٸك ۇلىنىڭ جوعالىپ كەتكەنٸن ايتىپ, پوليتسييادان كٶمەك سۇراعان. جەدەل ٸزدەستٸرۋ شارالارى بارىسىندا پوليتسييا قىزمەتكەرلەرٸ جەبٸرلەنۋشٸ مەن دوسىنىڭ اراسىندا جانجال بولعانىن انىقتادى.
«جانجال كەزٸندە 25 جاستاعى جٸگٸتتٸ دوسى مونتيروۆكامەن ۇرىپ, اۆتوكٶلٸگٸنە تيەپ, ٶزەن جاعاسىنا اپارىپ تاستاعان. اتالعان دەرەك بويىنشا قر قىلمىستىق كودەكستٸڭ «ادام ٶلتٸرۋ» بابى بويىنشا سوتقا دەيٸنگٸ تەرگەپ-تەكسەرۋ امالدارى جٷرگٸزٸلٸپ جاتىر. كٷدٸكتٸ قر قپك-نٸڭ 128-بابىنا سەيكەس ۇستالىپ, ۋاقىتشا ۇستاۋ يزولياتورىنا قامالدى», - دەدٸ وبلىستىق پد باسپاسٶز قىزمەتٸنٸڭ جەتەكشٸسٸ ەربولات سارقۇلوۆ.
ايتا كەتەيٸك, اقتٶبە پوليتسيياسى بۇعان دەيٸن اقشا بوپسالاپ كەلدٸ دەگەن كٷدٸكپەن ەكٸ ادامدى ۇستادى. ولاردى تٸنتۋ كەزٸندە 400 مىڭ تەڭگە تەركٸلەندٸ. بۇعان دەيٸن ولار 1,7 ملن تەڭگەسٸنەن ايىرىلسا, كەيٸن قاسكٶيلەر تاعى 1,5 ملن تەڭگە تالاپ ەتكەن. قىلمىستىق كودەكستٸڭ «قورقىتىپ الۋ» بابى بويىنشا سوتقا دەيٸنگٸ تەرگەۋ امالدارى جٷرگٸزٸلٸپ جاتىر. كٷدٸكتٸلەرگە «قاماۋعا الۋ» بۇلتارپاۋ شاراسى قولدانىلدى.
