Akter ári rejisser, Qazaqstannyń halyq ártisi Doshan Joljaqsynov Dúniejúzilik «Qazaq kúresi» federatsiiasynyń «Qurmetti prezidenti» bolyp sailandy, – dep habarlaidy «Ult aqparat».
Alys-jaqyn shet elderdiń ókilderiniń qatysýymen elordada Dúniejúzilik «Qazaq kúresi» federatsiiasynyń halyqaralyq kongresi ótip jatyr. Jiyn barysynda federatsiia prezidenti Alik Shpekbaev álemniń 27 elinen kelgen federatsiia múshelerine usynys bildirdi. Ol boiynsha federatsiianyń «Qurmetti prezidenti» retinde Doshan Joljaqsynovty, birinshi vitse-prezidenti retinde Bádelhan Kamalhanulyn sailaý usynyldy. Kópshilik bir aýyzdan qoldady.
Jiynnyń kún tártibinde federatsiia alqa músheleriniń sailanýymen qatar, basqa da máseleler qarastyrylmaq.
Aita keterligi, 2019 jyldyń 20-21 jeltoqsan aralyǵynda Nur-Sultanda qazaq kúresinen VIII Álem birinshiligi ótkiziledi. Oǵan 40-qa tarta memleketten 300-ge jýyq sportshy (erler men áielder) qatysady. «Dáýlet» sport kesheninde ótetin bairaqty báseke barysynda erler (6 salmaq) men áielder (6 salmaq) arasynda 12 salmaq dárejesinde júldeler sarapqa salynbaq. Álem birinshiliginiń saltanatty ashylýy joǵaryda atalǵan sport keshende 20-shy jeltoqsan kúni saǵat 16.00-ge josparlanǵan. Atalǵan Álem chempionaty Birikken Kúres Áleminiń (United World Wrestling) 2019 jylǵa arnalǵan resmi kúntizbesine engen jáne jarystar tolyqtai UWW resmi ókilderi men halyqaralyq dárejedegi tóreshileriniń qatysýymen ótkizilmek. El jankúierleri «Qazsport» telearnasy arqyly dodaly jarystyń beldesýlerin tamashalai alady.
Jarysty uiymdastyrýshylar – Birikken Kúres Álemi, Nur-Sultan qalasynyń ákimdigi, Dúniejúzilik «Qazaq kúresi» federatsiiasy. Álem chempionaty «Eurasian Resources Group» (ERG) qoldaýymen ótkizilmek.
