اكتەر ەرٸ رەجيسسەر, قازاقستاننىڭ حالىق ەرتٸسٸ دوسحان جولجاقسىنوۆ دٷنيەجٷزٸلٸك «قازاق كٷرەسٸ» فەدەراتسيياسىنىڭ «قۇرمەتتٸ پرەزيدەنتٸ» بولىپ سايلاندى, – دەپ حابارلايدى «ۇلت اقپارات».
الىس-جاقىن شەت ەلدەردٸڭ ٶكٸلدەرٸنٸڭ قاتىسۋىمەن ەلوردادا دٷنيەجٷزٸلٸك «قازاق كٷرەسٸ» فەدەراتسيياسىنىڭ حالىقارالىق كونگرەسٸ ٶتٸپ جاتىر. جيىن بارىسىندا فەدەراتسييا پرەزيدەنتٸ اليك شپەكباەۆ ەلەمنٸڭ 27 ەلٸنەن كەلگەن فەدەراتسييا مٷشەلەرٸنە ۇسىنىس بٸلدٸردٸ. ول بويىنشا فەدەراتسييانىڭ «قۇرمەتتٸ پرەزيدەنتٸ» رەتٸندە دوسحان جولجاقسىنوۆتى, بٸرٸنشٸ ۆيتسە-پرەزيدەنتٸ رەتٸندە بەدەلحان كامالحانۇلىن سايلاۋ ۇسىنىلدى. كٶپشٸلٸك بٸر اۋىزدان قولدادى.
جيىننىڭ كٷن تەرتٸبٸندە فەدەراتسييا القا مٷشەلەرٸنٸڭ سايلانۋىمەن قاتار, باسقا دا مەسەلەلەر قاراستىرىلماق.
ايتا كەتەرلٸگٸ, 2019 جىلدىڭ 20-21 جەلتوقسان ارالىعىندا نۇر-سۇلتاندا قازاق كٷرەسٸنەن VIII ەلەم بٸرٸنشٸلٸگٸ ٶتكٸزٸلەدٸ. وعان 40-قا تارتا مەملەكەتتەن 300-گە جۋىق سپورتشى (ەرلەر مەن ەيەلدەر) قاتىسادى. «دەۋلەت» سپورت كەشەنٸندە ٶتەتٸن بايراقتى بەسەكە بارىسىندا ەرلەر (6 سالماق) مەن ەيەلدەر (6 سالماق) اراسىندا 12 سالماق دەرەجەسٸندە جٷلدەلەر ساراپقا سالىنباق. ەلەم بٸرٸنشٸلٸگٸنٸڭ سالتاناتتى اشىلۋى جوعارىدا اتالعان سپورت كەشەندە 20-شى جەلتوقسان كٷنٸ ساعات 16.00-گە جوسپارلانعان. اتالعان ەلەم چەمپيوناتى بٸرٸككەن كٷرەس ەلەمٸنٸڭ (United World Wrestling) 2019 جىلعا ارنالعان رەسمي كٷنتٸزبەسٸنە ەنگەن جەنە جارىستار تولىقتاي UWW رەسمي ٶكٸلدەرٸ مەن حالىقارالىق دەرەجەدەگٸ تٶرەشٸلەرٸنٸڭ قاتىسۋىمەن ٶتكٸزٸلمەك. ەل جانكٷيەرلەرٸ «Qazsport» تەلەارناسى ارقىلى دودالى جارىستىڭ بەلدەسۋلەرٸن تاماشالاي الادى.
جارىستى ۇيىمداستىرۋشىلار – بٸرٸككەن كٷرەس ەلەمٸ, نۇر-سۇلتان قالاسىنىڭ ەكٸمدٸگٸ, دٷنيەجٷزٸلٸك «قازاق كٷرەسٸ» فەدەراتسيياسى. ەلەم چەمپيوناتى «Eurasian Resources Group» (ERG) قولداۋىمەن ٶتكٸزٸلمەك.
