Bolashaqta Ulttyq bank Almatydan astanaǵa kóshiriledi dep josparlanýda. Bul týraly búgin Ulttyq banktiń tóraǵasy Erbolat Dosaev aitty, dep habarlaidy "Ult aqparat".
Búgin májilistiń jalpy otyrysynda «Qazaqstan Respýblikasynyń keibir zańnamalyq aktilerine qarjy naryǵyn retteý men damytý jáne mikroqarjylyq qyzmet máseleleri boiynsha ózgerister men tolyqtyrýlar engizý týraly» QR Zań jobasyn maquldandy. Qujatta aitylǵandai, 2020 jyly qarjy naryqtaryn retteý men damytý agenttigin quryp, ulttyq banktiń birqatar fýnktsiiasyn osy jańa organǵa berý kózdelip otyr.
Dosaev jańa agenttikti qurý ulttyq bankti qaita uiymdastyrý arqyly júzege asatynyn atap ótti.
«Qazaqstannyń Ulttyq banki qaita qurylady. Sonymen qatar jańadan Qarjy naryǵyn retteý jáne damytý agenttigi qurylady. Ulttyq banktiń ókilettikteri jańa organǵa beriledi. Biz fýnktsiialar, ókilettikter men shtatty zań jobasynda qarastyrdyq. Qazirgi shtattaǵy 500 adam agenttikke aýysady. Mamyr-maýsym ailarynyń ortasynda Qarjy ministrligimen jumysty aiaqtaýdy josparlap otyrmyz. Jańa organ qyzmetin 2020 jyldyń basynan bastaidy. Ol agenttik Almatyda ornalasady. Buǵan qosa Ulttyq bankti bolashaqta Nur-Sultanǵa kóshirý jospary da bar», - dedi Dosaev Májiliste.
