Atyraýda «Dos-Muqasan» ansambline taiaýda ǵana ornatylǵan eskertkish qiratyla bastady, dep habarlaidy QazAqparat tilshisi.
«Dos-Muqasan» belgili vokaldy-aspapty ansambline músindik kompozitsiia bir apta buryn qala kúnine orai jańa retro-saiabaqta ashylǵan bolatyn. Biraq birneshe kúnnen keiin-aq vandaldar baraban taiaqshalaryn syndyryp, ózge mýzykalyq aspaptarǵa zaqym keltirgen. Saiabaq qyzmetkerleri kompozitsiiany barynsha qorǵaýǵa tyrysýda, olar eskertkishtiń ainalasyna temir týrniketter ornatyp, lentalar tartyp qoiǵan.
Buǵan deiin habarlaǵanymyzdai, jańa retro-saiabaqta eskertkishtiń ashylýyna oblys ákimi Nurlan Noǵaev, «Dos-Muqasan» ansabliniń músheleri men qoǵam qairatkerleri qatysty.
Qoldaryna aspaptar ustaǵan alty mýzykanttyń qoladan jasalǵan músindik kompozitsiiasynyń avtory Baqytbek Muhamedjanov.
