Qazaqstannan aýa kóship jatqan orystarǵa «aq jol!» tilepti Dos Kóshim. Qazaqstannan qazaqtar da ketip jatsa, bul bilikke berilgen deidi ol. Bul týraly Dalanews.kz habarlaidy.
«Arqada qys jyly bolsa, arqar aýyp nesi bar? Qazaqstan ketip jatqandar, kóship jatqandar kóbeiipti. Ras, arasynda tarihi otanyna oralyp jatqandar da barshylyq.
Al eger astaryna úńilsek, bilikke berilgen belgi bul. Dabyl desem de bolady.
Qazaqstannan ketip jatsa, munyń eń bastysy – ekonomikalyq sebep. Sanany turmys bilemei me? Tirshilik, kúnkóristiń kún ótken saiyn aýyrlap jatqany ótirik emes. Ortasha jalaqynyń shyn kólemi qandai ekenin siz de, biz de jaqsy bilemiz.
Soltústik Qazaqstanǵa kóship barǵan jeti balasy bar azamat – 29 myń teńge ailyq alady eken. Shoshisyz. 29 myń teńge jalaqymen jeti balasyn qalai asyraidy ol? Bilik halyqty osyndai jaǵdaiǵa jetkizdi, anyǵy.
Kezinde basqa náýbet túskende Qytai asqanymyz, Iran asqanymyz bar edi. Bul da náýbet. Qazaqstannan ketip jatqandardyń kópshiligi bul elden sońǵy úmitin úzgen bolýy múmkin.
Kedei el edik áýelde. Kedeilikten qutyla alǵan joqpyz áli de. Ýaqyttyń ózi dáleledi muny. Qazaqstannan ketip jatsa, bul – bizdiń eldiń ekonomikasyna berilgen baǵa.
Ekinshi másele, ádilet joq. Ádiletti qoǵam áli ornaǵan joq. Demokratiia áli ornaǵan joq.
Politsiiasy balanyń qolyndaǵy kók shardan kúdiktenetin bul qandai qoǵam?
«Mundai qoǵamda kún keshkennen, shetelge baraiyn, ádiletsiz elden aýasha keteiin…» dep oilaityndar da bar shyǵar.
Keibireýler túp otanyna oralyp jatyr.
Orystildi qaýym latyn álipbii engennen keiin tikisinip qaldy.
«Osy eldegi erteńgi kúnimiz ne bolar eken?» dep oilana bastady. Olar óz tańdaýyn jasaýda. Buǵan kedergi keltirýdiń qajeti joq. Buǵan renjýdiń de qajeti joq. Olardyń tańdaý jasaityn ýaqyty jetti…” degen eken Kóshim “Nege solai?” baǵdarlamasyna bergen suhbatynda.
